Na terytoryi miemaryjała achviaram represij u Rasii pastavili biusty Stalina, Dziaržynskaha i Lenina
U «Miednym» pachavanyja polskija i, vidać, biełaruskija vajennapałonnyja, rasstralanyja ŭ 1940 hodzie rehijanalnym Upraŭleńniem NKVD, a taksama savieckija hramadzianie — achviary stalinskaha teroru.
U Ćviarskoj vobłaści na terytoryi miemaryjalnaha kompleksu «Miednaje», jaki pryśviečany achviaram palityčnych represij, ustalavali biusty Iosifa Stalina, Uładzimira Lenina, Michaiła Kalinina i Fieliksa Dziaržynskaha, piša Rasijskaja słužba Radyjo Svabody.
U «Miednym» pachavanyja polskija i, vidać, biełaruskija vajennapałonnyja, rasstralanyja ŭ 1940 hodzie rehijanalnym Upraŭleńniem NKVD, a taksama savieckija hramadzianie — achviary stalinskaha teroru. Raniej tam byŭ ustalavany pamiatny znak «Suajčyńnikam, achviaram vojnaŭ i represij».
Pavodle infarmacyi ŚMI, u najbližejšyja dni na terytoryi miemaryjała płanujuć adkryć niejkuju vystavu, u suviazi z čym i byli ŭstalavanyja skulptury savieckich kiraŭnikoŭ. Dyrektar «Miednaha» Alaksandr Čunosaŭ nazvaŭ heta «łahičnym i zrazumiełym».
«Heta ž epocha. Jany što, nie mieli dačynieńnia da represij? U čym tut vy bačycie niestykoŭku?», — skazaŭ Čunosaŭ.
Pavodle źviestak pravaabarončaha tavarystva «Miemaryjał», ustanoŭka skulptur — pramoje ŭkazańnie Dziaržaŭnaha centralnaha muzieja sučasnaj historyi i dyrektara kompleksu «Miednaje».
U hady kiravańnia Iosifa Stalina achviarami masavych represij u SSSR stali miljony ludziej. Paśla jaho śmierci mnohija represavanyja byli reabilitavanyja, a źviazanyja sa Stalinym abjekty, u tym liku harady, — pierajmienavanyja. Źnieśli taksama pomniki savieckamu pravadyru.
Adnak u apošnija hady ŭ šerahu haradoŭ Rasii byli znoŭ pastaŭleny pomniki Stalinu. Jak praviła, ich staviać na pryvatnaj terytoryi, naprykład u dvarach abkamaŭ KPRF.
Jość, adnak, i skulptury ŭ publičnych miescach, jak u Vałhahradzie. U žniŭni vaśmimietrovy pomnik Stalinu adkryli ŭ horadzie Vialikija Łuki.
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary
heta navat nie vierch cynizma, a bolšaje niešta...
heta, jak u Aśviencimie ci Chatyni pastavić pomnik Hitleru, jak na mahile achviary zamiest pomnika joj, pastavić pomnik manjaku, jaki jaje zakatavaŭ