Vadanosava, Relikt, ZUJ i B:N. Abvieščana prahrama fiestyvalu «Bardauskaja Vosień 2023»
Fiestyval «Bardauskaja Vosień 2023» projdzie 27-29 kastryčnika na Padlaššy ŭ Polščy.
U miežach fiestyvalu buduć prachodzić raznastajnyja mierapryjemstvy ŭ troch roznych miescach Padlašša. Arhanizatary abiacajuć nie tolki cikavuju muzyčnuju prahramu, ale i litaraturnyja sustrečy biełaruskich i padlašskich litarataraŭ sa svajoj publikaj, piša «Budźma».
«Bardy», hetak ža, jak i fiestyval «Basovišča», kultavaje mierapryjemstva z 27-hadovym stažam. Užo ź minułaha vypusku arhanizatary namahalisia źmianić čysta muzyčny charaktar fiestyvalu na muzyčna-litaraturny farmat, pakazvajučy toje, što adbyvajecca ŭ biełaruskaj prastory «aŭtarskaj pieśni».
Viadoma, što muzyka zastaniecca mocnym akcentam, jak elemient, što vabić publiku, chacia, sa słoŭ arhanizataraŭ festu, jany častkova chočuć pazbycca tradycyjnaha ŭsprymańnia «aŭtarskaj pieśni» i zaprasić tvorcaŭ, jakija taksama natchniajucca litaraturaj, ale majuć bolš navatarski padychod, dy źviarnuć uvahu na teatr i muzyčnyja śpiektakli.
U miežach fiestyvalu 27-29 kastryčnika projduć try mierapryjemstvy ŭ troch roznych miascovaściach Padlašša. U kožnym ź ich zapłanavany jak kancerty, hetak i sustrečy, źviazanyja ź biełaruskaj litaraturaj.
27 kastryčnika
U Bielskim Domie Kultury (Bielsk Padlašski) vystupić Kaciaryna Vadanosava i Alaksandra Kanafalskaja (sand-art) z prajektam «Kraj» dy hurt Relikt. Taksama płanujecca ŭručeńnie Premii imia Michała Aniempadystava (Biełaruski PEN) i dyskusija pra stan sučasnaj biełaruskaj litaratury.
28 kastryčnika
U asiarodku kultury ŭ Orli zapłanavany vystup Aleha Kabzar, WZ Trio, a taksama sustreča-prezientacyja biełaruskaj litaratury Padlašša
29 kastryčnika
U Biełastockim Teatry lalek pakažuć «Śviatło ŭ ciemry» — śpiektakl teatra «Tutejšy»(rež. Andrej Saŭčanka), vystupiać muzyčny prajekt ZUJ i B:N.
Prajekt ładzicca ŭ miežach prahramy #ArtPower Belarus Biełaruskaj Rady kultury i Dackaha instytuta kultury pry finansavaj padtrymcy Jeŭrasajuza.
-
Biełarusy pryvieźli z Kapienhahiena novuju «śviatyniu» — kryž karalevy Safii. Historyki nazyvajuć jaho bižuteryjaj za 4000 jeŭra
-
U Kupałaŭskim teatry rasijskija režysiory praviaduć tvorčuju łabaratoryju, u jakoj abiaruć śpiektakl dla repiertuaru
-
Karciny ź biełaruskaj siadziby Radziviłaŭ viarnuli, ale ŭ Polšču
Ciapier čytajuć
«Kali vy pazakryvajecie ja**lniki»: złoŭleny na dopinhu amapaviec z Hrodna pakazaŭ svajo vysokakulturnaje abličča8
Kamientary