U novym humarystyčnym šou na TNT biare ŭdzieł kamanda ź Pinska. Nie abyšłosia biez žartaŭ pra Biełaruś i palityku
U zmahańni za zvańnie čempijona siezona ŭ humarystyčnym prajekcie TNT i kampanii AMiK «Liha haradoŭ» biare ŭdzieł kamanda ź Pinska «Ižyca». Vystupleńnie kamandy było paśpiachovym.
Na kanale TNT startavała novaje šou «Liha haradoŭ». Abiacajuć, što pieramožca atrymaje pryz 10 miljonaŭ rasijskich rubloŭ (heta kala 350 tysiač biełaruskich). Pakul ža čatyry «huru humaru» — Siarhiej Śvietłakoŭ, Maryna Kraviec, Alaksiej Ščarbakoŭ i Arciom Kałajdžan adbirajuć sabie kamandy, ź jakimi jany buduć «pracavać» dalej i vieści ich da pieramohi.
U pieršym vypusku ŭziała ŭdzieł kamanda «Ižyca» ź Pinska. Nazva adpaviadaje apošniaj litary starasłavianskaj kirylicy, jakaja prapała z ruskaha ałfavita ŭ pačatku XX stahodździa.
U svajoj prezientacyi kamanda adznačyła, što jaje meta — «šukać adkazy na nietryvijalnyja pytańni».
Chłopcy raskazali, što jany ź Pinska — «svojeasablivaha haradka» — i pryviali prykład:
— Niadaŭna ŭ mera našaha horada naradzilisia až dva jaho namieśniki. Atrymlivajecca, praź niekalki hadoŭ u nas upieršyniu budzie vybar.
— Tola, ty čaho? Jon ža paprasiŭ biez palityki.
— A što, baicca?
— Dy nie. Nie šaryć.
Dalej u razmovu ŭklučyłasia ŭdzielnica kamandy Tosia, jakaja zajaviła, što ŭ jaje šyzafrenija, jak u mamy, tolki lepšaja.
— Vy na Tosiu ŭvahi nie źviartajcie, jana navat siońnia nočču spała stojačy, — paprasiŭ kapitan kamandy.
— Prosta mnie śniŭsia himn, — patłumačyła dziaŭčyna.
Paźniej u minijaciury «Na sumoŭi» Tosia źjaviłasia ź biełym konusam na hałavie, jaki nahadvaŭ kaŭpaki, što nasili Ku-kłus-kłanaŭcy, i zajaviła, što jana nie zapatrabavanaja jak animatarka.
— Zrazumieła, chto vas u takim vyhladzie na śviata zakaža.
— Bahatyja biełyja ludzi. Ja ž u hetym jašče dypłamatkaj pracavała. Tak, zrazumieła, ad Biełarusi nichto nie čakaŭ takoj pazicyi.
— Da pabačeńnia.
Vystupleńnie kamandy było paśpiachovym i apieku nad imi ŭziała Maryna Kraviec.
Čytajcie jašče:
Najlepšyja biełaruskija stendapiery — chto jany?
Maskoŭskaja kamanda KVZ pažartavała pra Pryhožyna, Łukašenku i elektronnyja pozvy
Ciapier čytajuć
Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam11
Kamientary