Śviet33

Zachodnija ŚMI vyśvietlili, chto ciapier kiruje spadčynaj Pryhožyna ŭ Afrycy

The Wall Street Journal, dziakujučy byłym najmitam PVK «Vahnier», a taksama niekatorym palitykam i siłavikam, blizka znajomym ź situacyjaj, daviedałasia ab novym kiraŭniku afrykanskaha biznesu pamierłaha Jaŭhiena Pryhožyna. Raskazvajem, chto jon taki i z čaho pačynaŭ.

Dźmitryj Syty, novy ŭładalnik afrykanskaj biznes-impieryi pamierłaha kiraŭnika PVK «Vahnier» Jaŭhiena Pryhožyna, staić siarod deputataŭ Nacyjanalnaha schodu Centralnaafrykanskaj Respubliki (CAR). Fota: AFP / Getty Images

Pavodle adrazu niekalkich krynic vydańnia The Wall Street Journal, novym uładalnikam afrykanskaha biznesu pamierłaha kiraŭnika PVK «Vahnier» Jaŭhiena Pryhožyna staŭ 34-hadovy dyrektar «Ruskaha doma» ŭ Centralnaafrykanskaj Respublicy (CAR) Dźmitryj Syty. 

Krynicy pieradajuć, što jon paznajomiŭsia z Pryhožynym jašče ŭ 2018 hodzie, kali adpraviŭsia ŭ CAR u jakaści pierakładčyka. Pierad hetym Syty skončyŭ prestyžnuju biznes-škołu ŭ Paryžy, dzie navučyŭsia svabodna razmaŭlać na francuzskaj, ispanskaj i anhlijskaj movach.

Tady Pryhožyn davieryŭ Sytamu kaardynavać nievajskovyja apieracyi «Vahniera» ŭ Afrycy i arhanizoŭvać adtul ekspart karysnych vykapniaŭ i syraviny, čym jon, niahledziačy na pavyšeńnie paśla śmierci Pryhožyna, i praciahnuŭ zajmacca dalej.

«U hety momant Dźmitryj Syty kuryruje sietku afrykanskich padstaŭnych kampanij pa vyvazie zołata, ałmazaŭ, piłamateryjałaŭ i inšaj syraviny z CAR. Taksama jon kiruje šmatlikimi vahnieraŭskimi miedyja, jakija raspaŭsiudžvajuć u Afrycy antyzachodniuju i prakramloŭskuju prapahandu.

Akramia CAR, Dźmitryja Sytaha časta zaŭvažajuć u takich krainach, jak Nihier, Kamierun, Čad, Sudan i inšyja», — piša vydańnie The Wall Street Journal sa spasyłkaj na byłych vahnieraŭcaŭ i miascovych palitykaŭ.

Praz svaju dziejnaść i pramyja suviazi z «Vahnieram» Dźmitryj Syty byŭ uniesieny ŭ čorny sankcyjny list Ministerstva finansaŭ ZŠA. 

Krynicy vydańnia taksama adznačyli, što Syty ŭ CAR žyvie ŭ byłym prezidenckim asabniaku pad achovaj vahnieraŭcaŭ, naviedvaje samyja raskošnyja restarany, jeździć bieź dziaržnumaroŭ, a taksama karystajecca šyrokaj hramadskaj padtrymkaj z-za historyi z zamacham na jaho nibyta z boku Francyi.

«Syty straciŭ niekalki palcaŭ na pravaj ruce paśla vybuchu bomby, jakaja znachodziłasia ŭ dasłanym jamu liście. Jon adrazu staŭ kazać, što za zamacham nibyta staić Francyja, što pryniesła jamu słavu i papularnaść siarod miascovaha nasielnictva z-za antyfrancuzskaha nastroju ŭ hramadstvie», — raspaviadaje The Wall Street Journal.

Dźmitryj Syty ŭ balnicy paśla niaŭdałaha zamachu nibyta z boku Francyi. Fota: The Wall Street Journal
Ludzi na vulicach Banhi (stalica CAR) u futbołkach z tvaram Dźmitryja Sytaha. Fota: Info Ti Kodrô

Kiraŭnik PVK «Vahnier» Jaŭhien Pryhožyn miesiac tamu zahinuŭ u avijakatastrofie. Spadčynu jaho biznes-impieryi ciapier aktyŭna dzielać nie tolki pradstaŭniki Kramla, ale, pavodle krynic, i davieranyja asoby režymu Łukašenki.

Sami ž vahnieraŭcy ŭsio jašče zastajucca ŭ Afrycy, u tym liku i ŭ CAR, dzie praciahvajuć pravodzić apieracyi pa arhanizacyi dziaržaŭnych pieravarotaŭ z zamienaj miascovaha kanstytucyjnaha ładu na prarasijskija režymy, a taksama zdabyvać tam hrošy i karysnyja vykapni dla patreb Kramla.

Kamientary3

  • babrujčanin
    25.09.2023
    )))Usie sabraliś Spačatku mahilevič pryhožy syty ziejdielman šiejman.))) Kali pachod p avyzvaleńniu ruskahavaraščych izrailician ad pryhnieta sianistau artadoksau i vyzvaleńniu Ijerusalima))) Vykanańniu pastanovy AAN ad 49 hoda
  • Niet prpularnosti, jesť niŝieta
    25.09.2023
    NN, nikto tam ničiem nie polzujetsia, osobienno popularnosťju. Na fonie totalnoj niŝiety, popularnosť lepitsia žałkoj, finansovoj podačkoj i naznačienijem nužnoho vinovnika v totalnoj niŝietie.
    Čto nabludajem i v biełorusskom habonie, russkoho mira v Biełarusi.
    Łukašienko, kalonym žielezom vyžihajet finansovuju iniciativnosť, samostojatielnosť i niezavisimosť na vsiech urovniach obŝiestva, kak i v CAR, Habonie, Hondurasie, čtoby ostavaliś niŝimi i zavisimymi ot jeho podačiek, takich lehko udierživať v rabstvie i manipulirovať imi, totalnaja niŝieta nasielenija namnoho diešievle i vyhodnieje diktaturam, čto i nabludajem 29 let v biełorusskom habonie i hondurasie.
    • Janka biełarus
      25.09.2023
      [Red. vydalena]

Ciapier čytajuć

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA25

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA

Usie naviny →
Usie naviny

Pjany vaśmikłaśnik u Homieli ŭ handlovym centry biŭ nahami supracoŭnikaŭ milicyi11

Aŭtamabil pad Minskam sutyknuŭsia adrazu z tryma łasiami1

Ad zaŭtra znoŭ pačnie chaładać2

Kala Śbier banka ŭ Minsku adkryvajuć pomnik kačcy

Na kanfierencyi Reshape 2025 aburylisia «tysiačami kanfierencyj», abvinavacili Cichanoŭskuju ŭ dyktatury i acanili vyniki 5 hadoŭ u emihracyi28

«Toje, što Izrail zrabiŭ ź Iranam, — heta toje, što Rasija chacieła zrabić z Ukrainaj»18

Žančyna złaviła na Prypiaci hihanckaha taŭstałobika. Jaho vaha — kala 60 kh2

Dziaŭčyncy z Polščy, achviaravać hrošy jakoj zaklikaŭ biełarus, sabrali patrebnuju sumu1

Piać faktaŭ pra novaha pres-sakratara MZS, jaki chamavataściu kosić pad Maryju Zacharavu10

bolš čytanych navin
bolš łajkanych navin

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA25

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA

Hałoŭnaje
Usie naviny →

Zaŭvaha:

 

 

 

 

Zakryć Paviedamić