Piaskoŭ zajaviŭ, što rasijskaja dziaržava nie finansavała PVK «Vahnier». Pucin raniej havaryŭ zusim inšaje
PVK «Vahnier» Jaŭhiena Pryhožyna nie atrymlivała hrošaj z rasijskaha biudžetu, zajaviŭ pres-sakratar prezidenta RF Dźmitryj Piaskoŭ. Tak jon adkazaŭ na pytańnie žurnalistaŭ, ci praciahnie dziaržava finansavać pryvatnuju vajskovuju kampaniju paśla jaje pierajezdu i rehistracyi ŭ Biełarusi.
«Nie było nijakaha dziaržfinansavańnia. Heta nijak nie źviazana sa znachodžańniem u Biełarusi, heta zusim roznaha paradku temy», — skazaŭ Piaskoŭ.
Taksama jon zaklikaŭ nie zabyvać, što PVK «Vahnier», maŭlaŭ, «nie isnuje de-jure». Ź jahonych słoŭ, isnuje tolki hrupa «Vahnier», jakaja brała ŭdzieł u vajnie suprać Ukrainy.
Pry hetym sam niepasredny načalnik Piaskova, Uładzimir Pucin 27 červienia, adrazu paśla miaciažu Pryhožyna, pramym tekstam kazaŭ pra dziaržaŭnaje finansavańnie «Vahniera»:
«Chaču, kab my ŭsie viedali pra heta. Utrymańnie hrupy «Vahnier» całkam zabiaśpiečvałasia dziaržavaj, ź Ministerstva abarony, ź dziaržaŭnaha biudžetu, my całkam finansavali hetuju hrupu», — skazaŭ tady Pucin.
Pavodle jahonych słoŭ, z maja 2022 da maja 2023 hoda rasijskija ŭłady vydzielili PVK na hrašovaje ŭtrymańnie bajcoŭ i stymulujučyja vypłaty bolš za 86 młrd rasijskich rubloŭ (kala miljarda dalaraŭ). A ŭładalnik «Vahniera», kampanija «Kankord», za hod praz vajenhandal zarabiła 80 miljardaŭ rubloŭ, jak paviedamiŭ Pucin.
Łukašenka: Ja i nie pavinien harantavać biaśpieku Pryhožyna. A vahnieraŭcy «nikudy nie biahuć»
U Kramli adkazali, ci pojdzie Pucin na pachavańnie Pryhožyna
Hirkin-Strałkoŭ z turmy nazvaŭ imaviernaść datyčnaści Pucina da zabojstva Pryhožyna «mizernaj»
«Čałaviek składanaha losu, i pamyłki ŭ jaho byli surjoznyja ŭ žyćci». Pucin vykazaŭ šmatsłoŭnyja spačuvańni siamji Pryhožyna
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła24
Kamientary