Padčas sustrečy z vajskoŭcami ŭ pradstaŭničym kabiniecie Kramla prezident Rasii Uładzimir Pucin zajaviŭ, što «pryvatnaja» vajskovaja kampanija «Vahnier» całkam zabiaśpiečvałasia dziaržavaj.
«Chaču, kab my ŭsie viedali pra heta. Utrymańnie hrupy «Vahnier» całkam zabiaśpiečvałasia dziaržavaj, ź Ministerstva abarony, ź dziaržaŭnaha biudžetu, my całkam finansavali hetuju hrupu», — skazaŭ Pucin.
Pavodle jahonych słoŭ, z maja 2022 da maja 2023 hoda rasijskija ŭłady vydzielili PVK na hrašovaje ŭtrymańnie bajcoŭ i stymulujučyja vypłaty bolš za 86 młrd rasijskich rubloŭ (kala miljarda dalaraŭ). A ŭładalnik «Vahniera», kampanija «Kankord», za hod praz vajenhandal zarabiła 80 miljardaŭ rubloŭ, jak paviedamiŭ Pucin.
«Spadziajusia, što nichto ničoha nie skraŭ abo skraŭ pamienš, ale my budziem z hetym usim raźbiracca», — dadaŭ jon.
Pry hetym dahetul na praciahu niekalkich hadoŭ kiraŭnictva Rasii nastojvała, što PVK «Vahnier» nijak nie źviazanaja z rasijskim uradam. U mai minułaha hoda, užo paśla pačatku poŭnamaštabnaha ŭvarvańnia Rasii va Ukrainu, kiraŭnik MZS Rasii Siarhiej Łaŭroŭ, naprykład, zajaŭlaŭ: «Vahnier» — heta pryvatnaja vajskovaja kampanija, jakaja nie maje dačynieńnia da rasijskaj dziaržavy».
Paśla miaciažu «vahnieraŭcaŭ» ad mižnarodnaha aŭtarytetu Pucina zastaŭsia pył — Le Monde
Bajalisia razhajdać łodku. Padčas buntu Pryhožyna sajuźniki prasili Ukrainu nie bić pa Rasii
«Sprava NATA — nie dazvolić siabie zapałochać». Jens Stołtenbierh vykazaŭsia pra mahčymuju pieradysłakacyju PVK «Vahnier» u Biełaruś
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»34
Kamientary
Ja vielmi ździŭleny.