Bolš za pałovu łahiera PVK «Vahnier» pad Asipovičami demantavali — Biełaruski Hajun
Na pačatak demantažu łahier naličvaŭ kala 292 namiotaŭ (uklučajučy dla haspadarčych patreb), a na hety momant razabrana ŭžo bolš 160 adzinak.
U łahiery PVK «Vahnier» u vioscy Cel pad Asipovičami praciahvajecca aktyŭny demantaž namiotaŭ, jaki pačaŭsia jašče 28 lipienia. Na pačatak demantažu łahier naličvaŭ kala 292 namiotaŭ (uklučajučy dla haspadarčych patreb), a na hety momant razabrana ŭžo bolš za 160 adzinak, heta značyć 55%, paviedamlaje «Biełaruski Hajun».
Z momantu apošnich spadarožnikavych zdymkaŭ, zroblenych 23 žniŭnia, demantavali jašče bolš za 60 adzinak — najbolš aktyŭny pieryjad demantažu pryjšoŭsia na kaniec žniŭnia.
Ciapier łahier PVK «Vahnier» naličvaje kala 130 namiotaŭ — heta značyć 45% ad pieršapačatkovaj kolkaści. Jašče ŭ samym pačatku, u červieni, zajaŭlałasia, što najmitaŭ u Biełarusi budzie 8 000, a to i 10 000 — adpaviedna, i łahier budavaŭsia z raźliku na 8 000 čałaviek.
Łahičnaja vysnova, jak piša «Biełaruski Hajun», što ŭ łahiery pad Asipovičami demantujuć «lišnija» pałatki, jakija akazalisia niepatrebnyja, tamu što pryjechała mienš najmitaŭ, čym čakałasia. Akramia taho, častku najmitaŭ całkam imavierna mohuć pierasialić u kazarmy, jakija raźmieščanyja ŭ vioscy Cel i inšych łakacyjach u rajonie Asipovičaŭ.
Łahier vahnieraŭcaŭ pad Asipovičami demantujuć
U rajonie łahiera PVK «Vahnier» kala Asipovičaŭ pieraboi ź internetam — Biełaruski Hajun
PVK «Vahnier» prapanuje najmitam šukać inšuju pracu — Važnyje istorii
«Heta pavinna być apłačana Biełarusi». Polšča hatova adkryć punkty propusku, kali Łukašenka pojdzie na sastupki
Adychod temy PVK «Vahnier» na druhi płan nie aznačaje, što pra jaje zabylisia ŭ Polščy — daradca Dudy
Ciapier čytajuć
Cichanoŭski: Cichanoŭskaj možna było ŭ 2020‑m nie pabajacca turmy. I, moža, u biełarusaŭ byŭ by šaniec139
Kamientary