Dniami ŭ Biełarusi startuje prodaž iPhone 15, ceny buduć prykmietna vyšejšymi za amierykanskija ci jeŭrapiejskija. Pahladzieli, kolki možna sekanomić, kali nabyć ajfon u Polščy, Litvie abo ŭ šerych pradaŭcoŭ.
Litva
Suśvietny prodaž iPhone 15 startavaŭ 22 vieraśnia. Tady ž novyja pryłady stali dasiažnyja i ŭ našych susiedziaŭ ź ES.
U Litvie bazavy iPhone 15 z pamiaćciu na 128 hihabajt kaštuje 979 jeŭra.
iPhone 15 Pro na 128 GB — 1249 jeŭra.
Madel 15 Pro Max na 256 GB (minimalny abjom pamiaci dla hetaj viersii) — 1499 jeŭra.
Kali skarystacca mahčymaściu nabyć telefon sa zvarotam častki PDV praz servis globalblue, to ceny na novyja iPhone dla biełarusaŭ buduć vyhladać tak:
— iPhone 15 — 870 jeŭra;
— iPhone 15 Pro — 1110 jeŭra;
— iPhone 15 Pro Max — 1350 jeŭra.
Kali kuplać u kramie, jakaja sama viartaje 100% PDV, to telefony abyducca jašče pryblizna na 6% tańniej.
Polšča
U Polščy ajfony kaštujuć krychu daražej, čym u Litvie.
Tam bazavy iPhone 15 z pamiaćciu na 128 GB kaštuje 4 699 złotych, što składaje kala 1030 jeŭra.
iPhone 15 Pro na 128 GB — 5 999 zł, ci kala 1310 jeŭra.
iPhone 15 Pro Max na 256 GB (minimalny abjom pamiaci dla hetaj viersii) u Polščy pradajecca za 7 199 zł, heta kala 1575 jeŭra.
Z ulikam viartańnia PDV pa sistemie globalblue ceny na novyja iPhone ŭ Polščy dla biełarusaŭ buduć vyhladać tak:
— iPhone 15 — kala 900 jeŭra;
— iPhone 15 Pro — kala 1150 jeŭra;
— iPhone 15 Pro Max — kala 1380 jeŭra.
Jak i ŭ vypadku ź Litvoj, kali polski pradaviec budzie samastojna viartać 100% ad PDV, to ad cany treba adniać jašče kala 6%.
Kali kuplać ajfon z Polščy ci Litvy praz šerych pradaŭcoŭ, to možna raźličvać na zamiežnyja ceny «bruta» plus jašče kala 100 jeŭra.
Kolki novyja iPhone 15 buduć kaštavać u Biełarusi, možna pahladzieć tut. Spojler: značna daražej.
Ciapier čytajuć
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary
1) Što vy budziecie ličyć za pieramohu Ukrainy? (Vychad da miežaŭ 2013 hoda ci niešta inšaje)
2) Što budziecie rabić sa svai smartfonam, kali Ukrainy nie pieramoža?