Karol zdaŭ kroŭ padčas naviedvańnia ŭ Marakiešy paciarpiełych ad stychijnaha biedstva.
Karol Maroka Muchamied VI staŭ donaram kryvi dla paciarpiełych ad razburalnaha ziemlatrusu mahnitudaj 7,0. Pra heta paviedamiła infarmacyjnaje ahienctva Maghreb Arabe Presse.
Pavodle jaho źviestak, karol zdaŭ kroŭ padčas naviedvańnia ŭ Marakiešy paciarpiełych ad stychijnaha biedstva.
Na hety čas u balnicach rehijona Marakieš — Safi znachodzicca bolš za 2,1 tys. čałaviek, 484 ź ich atrymali surjoznyja traŭmy.
Raniej ahienctva paviedamlała, što niekalki tysiač marakancaŭ pa ŭsim karaleŭstvie stali ŭ čarhu, kab zdać kroŭ dla svaich suajčyńnikaŭ.
***
Ziemlatrus u Maroka adbyŭsia ŭ 23:00 viečaram u piatnicu, kali mnohija ŭžo spali. Jahony epicentr znachodziŭsia ŭ rajonie hornaha chrybta Vysoki Atłas prykładna za 72 km ad Marakieša, horada z nasielnictvam kala 840 tysiač čałaviek. Šturški adčuvalisia ŭ radyusie 400 kiłamietraŭ. Śledam za mahutnym asnoŭnym šturškom rušyli sotni afteršokaŭ. Ziemlatrus doŭžyŭsia niekalki chvilin, u hety momant žychary vybiahali na vulicy.
Heta byŭ najbujniejšy dla krainy ziemlatrus za apošnija 120 hadoŭ.
Pavodle apošnich źviestak, zahinuli 2862 čałavieki, paranienyja 2562 čałavieki.
Surjozna paciarpieŭ histaryčny centr Marakieša, jaki ŭklučany ŭ śpis Suśvietnaj spadčyny JUNIESKA.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii22
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4141
Kamientary
a-to prybiraj patom jašče i za im