U Litvie źbirajucca pradoŭžyć termin dziejańnia pašpartoŭ inšaziemcaŭ dla biełarusaŭ
Ministerstva ŭnutranych spraŭ Litvy ŭ suviazi z dyskryminacyjnaj palitykaj režymu Łukašenki ŭ dačynieńni da ŭłasnych hramadzian prapanavała Siejmu krainy razhledzieć pradaŭžeńnie terminu dziejańnia pašpartoŭ dla inšaziemcaŭ. Pra heta zajaviŭ namieśnik ministra ŭnutranych spraŭ Litvy Arnoldas Abramavičus.
U litoŭskim MUS prapanujuć pavialičyć termin dziejańnia pašpartoŭ inšaziemcaŭ da troch hadoŭ.
«My havorym tolki pra ludziej, jakija biahuć ad režymu, my nie havorym pra kiroŭcaŭ hruzavikoŭ, inšych rabočych. Mienavita tut apazicyi dajecca takaja mahčymaść — dla tych, u kaho jość dazvoły na pražyvańnie na humanitarnych padstavach, ja b, napeŭna, tak vykazaŭsia», — skazaŭ Abramavičus.
Pašpart inšaziemca vydajecca ŭ Litvie zamiežniku, jaki maje časovy abo pastajanny DNŽ Litoŭskaj Respubliki, a taksama nie maje dziejnaha pašparta i mahčymaści jaho atrymać z abjektyŭnych pryčyn. Taki pašpart vydajecca na termin, jaki nie pieravyšaje terminu časovaha dazvołu na žycharstva taho, chto źviarnuŭsia — čaściej za ŭsio jon vydajecca na hod.
Departamient mihracyi Litvy čakaje napłyŭ biełarusaŭ pa pašpart zamiežnika i tłumačyć, što atrymajuć jaho nie ŭsie
«Jahor zrabiŭ mnie prapanovu — vyjšaŭ novy zakon». Byłyja palitviaźni zhulali ŭ Litvie viasielle-pierformans
«40% palitviaźniaŭ — moładź da 25 hadoŭ». Daradca Cichanoŭskaj pra dylemu: źjazdžać ci zastavacca
Ciapier čytajuć
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?6
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1818
Kamientary