«Vyklikaje aściarožny aptymizm». Leki ad VIČ hatovyja da kliničnych vyprabavańniaŭ. Ciapier imi lečać rak
Da kanca hoda ŭ Danii pavinny pačacca kliničnyja vyprabavańni preparatu, jaki moža akazacca doŭhačakanymi lekami ad virusa imunadeficytu čałavieka (VIČ), piša Bi-bi-si.
Vyniki papiarednich łabaratornych ekśpierymientaŭ, praviedzienych dźviuma kamandami aŭstralijskich navukoŭcaŭ u supracoŭnictvie z kalehami z Danii, vyklikajuć aściarožny aptymizm.
Daśledavańnie aŭstralijcaŭ pierakanaŭča demanstruje, što ankapreparat «Vienietakłaks» zdolny vyjaŭlać u našym arhaniźmie «śpiačyja kletki», paškodžanyja śmiarotnym virusam, i źniščać ich.
U nastupnym hodzie, akramia Danii, vyprabavańni preparatu pačnucca jašče i ŭ aŭstralijskim Mielburnie.
Pry hetym pieršapačatkova tabletki pad handlovym nazvaj Venclexta raspracoŭvalisia dla baraćby ź lejkomaj — ahresiŭnaj formaj raku kryvi.
U ZŠA jany byli ŭchvalenyja ŭ 2016 hodzie i z taho času, sa słoŭ lekaraŭ, užo dapamahli tysiačam ankałahičnych pacyjentaŭ.
Siońnia ŭ śviecie naličvajecca amal 40 młn VIČ-infikavanych.
Svoječasovaja dyjahnostyka zaražeńnia i apieratyŭnaje pryznačeńnie antyretravirusnaj terapii dazvalaje spynić razmnažeńnie virusa — a značyć, spyniajecca i razbureńnie imunnaj sistemy.
Pry rehularnym pryjomie tabletak infikavany navat pierastaje być niebiaśpiečnym dla blizkich, ale sam pry hetym nie vylečvajecca.
Varta pierastać štodnia prymać prapisanyja preparaty — i chvaroba vierniecca.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii31
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary