U Dziusieldorfie adkryłasia vystaŭka Chaima Sucina, mastaka «paryžskaj škoły» sa Śmiłavičaŭ
U muziei «K20», jaki ŭvachodzić u skład Mastacki zbor ziamli Paŭnočny Rejn — Viestfalija, prachodzić vystaŭka, na jakoj pradstaŭlena kala 60 karcin Chaima Sucina, adnaho z najbujniešych majstroŭ «paryžskaj škoły».
Chaim Sucin naradziŭsia ŭ 1893 hodzie ŭ miastečku Śmiłavičy niedaloka ad Minska, i byŭ dziasiatym z adzinaccaci dziaciej miascovaha kraŭca, raspaviadaje Reform.by. U pošukach mastackaj realizacyi ŭ 1913 hodzie jon pierajechaŭ u Paryž. I choć miehapolis staŭ jaho surahatnym domam, jon zastavaŭsia aŭtsajdaram na praciahu ŭsiaho svajho žyćcia.
Vystaŭka ŭ Dziusieldorfie maje nazvu «Chaim Sucin. Suprać płyni» i akcentujecca na temach aŭtsajdarstva i emihracyi znakamitaha ŭradženca Biełarusi. Jaho karciny pralivajuć śviatło na jaho žyćcio jaŭrejskaha emihranta i źjaŭlajucca śviedčańniem niaŭstojlivaha isnavańnia na pieryfieryi hramadstva.
U ekspazicyi pradstaŭlena kala 60 pałotnaŭ, z akcentam na rannija šedeŭry mastaka i sieryi, stvoranyja ŭ pieryjad z 1918 pa 1928 hod.
Mastak časta ŭvasablaŭ pakajovak, słuh, pažaŭ, kucharaŭ, charystaŭ — ludziej, jakija, jak i jon, znachodzilisia na nižejšych uzroŭniach hramadstva. Jak i vyjavy chistkich krajavidaŭ i zabitych žyvioł, hetyja tvory źjaŭlajucca vyraznymi simvałami epochi, paznakaj pakaleńnia, achoplenaha vajnoj, sacyjalnymi prablemami, relihijnymi i palityčnymi supiarečnaściami.
Chaim Sucin — adzin ź vialikich mastakoŭ kłasičnaha madernizmu. Jaho ŭnikalnyja karciny adnačasova pačućciovyja i poŭnyja dramatyzmu.
Tvorčaść hetaha aŭtara akazała vielizarny ŭpłyŭ na žyvapis paśla Druhoj suśvietnaj vajny, a ŭ Hiermanii jon zastajecca vielmi šanavanym aŭtaram.
Vystaŭka ŭ dziusieldorfskim muziei budzie pracavać da 14 studzienia 2024 hoda.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB1
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2828
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama28
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary