Pratrymaŭsia jon niadoŭha, usiaho niekalki dzion.
U navakollach Vilejki kala vioski Čyrvony Bieražok, na miescy rasstrełu stvaralnika i kiraŭnika miadzielska‑smarhonskaj nielehalnaj maładziožnaj antysavieckaj arhanizacyi Raścisłava Łapickaha,
śpiłavany miemaryjalny kryž, jaki byŭ pastaŭleny nieviadomymi ŭ druhoj pałovie listapada,
pra heta paviedamiŭ staršynia vilejskaj arhanizacyi Partyi BNF Alaksiej Siudak.
Miemaryjalny vaśmikancovy trochmietrovy kryž byŭ vyrableny z abčasanych biarvionaŭ, kala pamiatnaha znaka byli ŭskładzieny kvietki i zapaleny łampady. Jak paviedamiŭ aktyvist, niekalki dzion tamu miemaryjalny kryž źnik. Nieviadoma, chto jaho ŭstanaviŭ, skazaŭ aktyvist, ale hety fakt jon ličyć śviedčańniem taho, što pamiać ab Łapickim žyva i ludzi imknucca jaje ŭšanavać.
***
Jak paviedamlałasia raniej, u kancy krasavika 2008 hoda na miescy hibieli Łapickaha byŭ źniščany pamiatny kamień, a 10 vieraśnia 2009 hoda miascovyja ŭłady demantavali z hetaha miesca try miemaryjalnyja kryžy. Na ich byli prymacavany tablički z nadpisami: «Raścisłaŭ Łapicki (1.ICH.1928—28.Ch.1950). Zmahar za niezaležnaść Biełarusi», «Achviaram represij ad hramadskaści Smarhoni» i «Hierojam Biełarusi». Usie kryžy vyšynioj prykładna čatyry mietry byli zrobleny miascovymi aktyvistami i aśviečany.
2 kastryčnika sudździa suda Vilejskaha rajona Minskaj vobłaści Juryj Abramčyk aštrafavaŭ Siudaka i aktyvista Abjadnanaj hramadzianskaj partyi Uładzimira Malarčuka na 30 bazavych vieličyń (1.050 tys. rubloŭ), a aktyvista Partyi BNF Alesia Narkieviča — na 20 (700 tys. rubloŭ) za ŭdzieł u niesankcyjanavanym mierapryjemstvie — zbudavańni kryžoŭ na miescy rasstrełu Łapickaha.
Raścisłaŭ Łapicki ŭ noč z 27 na 28 kastryčnika 1950 hoda ŭ lesie pad Vilejkaj admoviŭsia ad pamiłavańnia i byŭ rasstralany supracoŭnikami savieckich śpiecsłužbaŭ.
Ciapier čytajuć
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?11
Kamientary