Bieśpiłotniki nanieśli źniščalny ŭdar pa aeradromie Pskova, dzie bazavalisia rasijskija transpartnyja Ił-76
Ataki taksama adbylisia ŭ Pskoŭskaj, Branskaj, Arłoŭskaj i Kałužskaj abłaściach, a taksama ŭ anieksavanym Sievastopali.
Pieršapačatkova paviedamlali pra ataku bieśpiłotnika ŭ Pskoŭskaj vobłaści. Kala 0:30 hubiernatar Michaił Viadziernikaŭ paviedamiŭ ab adbićci ataki dronaŭ na aeraport u Pskovie, achviar i paciarpiełych nie było.
Ale paśla ataki ŭźnik vialiki pažar, ahoń łakalizavali.
Pavodle aficyjnych paviedamleńniaŭ, paciarpieła abo vyviedziena z ładu prynamsi čatyry samaloty Ił-76. Mahčyma, heta prymienšanyja danyja. Rejsy ŭ aeraporcie skasavali da čaćviarha dla pravierki i adnaŭleńnia ŭźlotnaj pałasy. Ataka stała adnym z samych razburalnych udaraŭ u tyle rasijskich vajskoŭcaŭ z pačatku vajny.
Kala 1:45 Minabarony RF paviedamiła ab źniščeńni troch ukrainskich dronaŭ u Branskaj vobłaści i adnaho — u Arłoŭskaj.
Paźniej branski i arłoŭski hubiernatary napisali, što paciarpiełych u rehijonach niama. Pavodle inšych paviedamleńniaŭ, adzin sa źbitych nad Branskam BPŁA ŭpaŭ na zavod «Kremnij Eł», vyklikaŭšy nievialiki pažar. «Kremnij Eł» — adzin z najbujniejšych vytvorcaŭ mikraelektroniki ŭ Rasii. 94% pradukcyi pradpryjemstva ŭ 2017 hodzie było vypuščana na patreby Minabarony RF. Zavod absłuhoŭvaje kancerny «Ałmaz-Antej», «Aerakaśmičnaje abstalavańnie», «Suzorje» i «Vieha». Jon robić detali dla sistem SPA «Pancyr» i rakietnych kompleksaŭ «Iskander», adznačajuć «Važnyja historyi».
Kiraŭnik Arłoŭskaj vobłaści zajaviŭ, što nad rehijonam źbili dva bieśpiłotniki.
Jašče adzin bieśpiłotnik byŭ źniščany ŭnačy nad Kałužskaj vobłaściu.
U 3:10 hubiernatar Sievastopala paviedamiŭ ab adbićci ataki bieśpiłotnikaŭ z mora ŭ rajonie Sievastopalskaj buchty.
Amal adnačasova Minabarony RF paviedamiła, što ŭkrainski bieśpiłotnik źbili i nad Razanskaj vobłaściu.
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach16
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary