Premjeru druhoj častki filma «Dziuna» pieranieśli praz zabastoŭku scenarystaŭ i akcioraŭ u Halivudzie
Premjery niekatorych inšych filmaŭ taksama pieraniesienyja.
Studyja Warner Bros. pieraniesła premjeru druhoj častki filma «Dziuna», jakaja pavinna była prajści 3 listapada 2023 hoda, na 15 sakavika 2024 hoda praz zabastoŭku scenarystaŭ i akcioraŭ.
Praz zabastoŭku akciory nie mohuć udzielničać u mierapryjemstvach dla presy, što ŭ vypadku vysokabiudžetnaj «Dziuny» aznačaje adsutnaść rekłamy, piša telekanał «Dožd́».
Akramia taho, na miesiac (z 14 sakavika na 12 krasavika) pieraniesiena premjera filma studyj Legendary i Warner Bros. «Hadziła i Konh: Novaja impieryja».
Heta, u svaju čarhu, pryviało da pieranosu «Uładara piarścionkaŭ: Vajna rochirym» ad New Line i Warner Bros. z 12 krasavika 2024 hoda na 13 śniežnia. Adnak pieranos «Dziuny» — najbolš surjoznaje nastupstva zabastoŭki.
Pieršaja častka «Dziuny» režysiora Deni Vilniova, jakaja vyjšła ŭ 2021 hodzie, sabrała ŭ suśvietnym prakacie bolš za 402 młn dalaraŭ. U druhoj častcy zdymajucca Cimaci Šałamie i Ziendeja, da akciorskaha składu taksama dałučylisia Lea Siejdu, Fłorens Pju, Krystafier Uokien i Ościn Batler.
Pra strajk Hildyja scenarystaŭ Halivuda, jakaja zapatrabavała pavyšeńnia zarobkaŭ, palapšeńnia ŭmoŭ pracy i ŭviadzieńnia abmiežavańniaŭ na vykarystańnie štučnaha intelektu, abviaściła ŭ traŭni 2023 hoda, u lipieni da scenarystaŭ dałučylisia akciory.
U Halivudzie zastrajkavali 160 tysiač akcioraŭ. Niekalki zorak pajšli prosta z premjery «Apienhiejmiera»
Barbienhiejmier: «Barbi» pieramahła «Apienhiejmiera» (ale ŭ vyjhryšy ŭvieś Halivud)
Vyjšaŭ treci siezon «Zabojstvaŭ u adnym budynku» — detektyva, u jakim źmiešanyja kłasika i sučasnaść. U im źniałasia i Merył Stryp
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary