Na litoŭska-biełaruskaj miažy zatrymali žančynu z kanaplanaj harbataj
Incydent adbyŭsia 11 žniŭnia ŭ punkcie propusku «Łoša». Žančyna jechała ŭ Biełaruś ź Litvy na aŭtamabili. Padčas ahladu bahažnika słužbovy sabaka vyjaviŭ upakoŭku harbaty, u składzie jakoj jość kanopli, paviedamiŭ Pahraničny kamitet.
Biełaruska patłumačyła, što nabyła ŭpakoŭku travianoj harbaty na terytoryi Litvy. Takaja harbata sapraŭdy pradajecca ŭ Litvie praktyčna ŭ luboj praduktovaj kramie.
Ale ŭ Biełarusi nabyćcio i pravoz jaje praź miažu mohuć traktavać jak «niezakonny abarot narkatyčnych srodkaŭ, psichatropnych rečyvaŭ, ich prekursoraŭ i anałahaŭ». Za heta praduhledžanaja kryminalnaja adkaznaść u vyhladzie abmiežavańnia voli na termin da piaci hadoŭ abo pazbaŭleńnie voli na termin ad dvuch da piaci hadoŭ.
Ciapier čytajuć
Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły8
Kamientary