U Maładziečanskim rajonie ŭ hości da piensijaniera pryjšoŭ učastkovy. Jon źviarnuŭ uvahu na «dziŭny fizičny stan piensijaniera»: pa vonkavych prykmietach jon znachodziŭsia ŭ stanie apjanieńnia. Milicyjanta heta źbiantežyła, jon zazirnuŭ u ciaplicu i ŭbačyŭ, što akramia harodniny piensijanier vyroščvaje jašče i kanopli.
Usiaho apieratyŭniki narkakantrolu naličyli 44 kusty kanabisu. A jašče pobač znajšli skryniu z užo hatovym «ziellem», u jakim było amal 130 hramaŭ marychuany, paviedamlaje abłasnaja milicyja.
Piensijanier nie staŭ adpiracca i raspavioŭ, što vyroščvaŭ kanopli dla siabie.
U milicyi adznačyli, što raniej dziadula ŭžo pryciahvaŭsia pa 328-m artykule KK, tady jamu dali paŭtary hady «chatniaj chimii». Ciapier taksama zaviedzienaja kryminalnaja sprava.
Kamientary