Vieterany-afhancy z Łatvii źjeździli na fiestyval u Biełaruś. Słužba biaśpieki pačała pravierku
Fiestyval u minułyja vychodnyja prachodziŭ u Navapołacku. Jon byŭ arhanizavany pry padtrymcy Minabarony Biełarusi i pryśviečany 50-hodździu sa dnia napisańnia nieaficyjnaha himna desantnikaŭ «Siń».
Słužba dziaržaŭnaj biaśpieki Łatvii viadzie pravierku pa fakcie ŭdziełu pradstaŭnikoŭ daŭhaŭpiłskaha Centra sadružnaści vieteranaŭ Afhanistana «Pieravał» u Mižnarodnym fiestyvali patryjatyčnaj i armiejskaj pieśni «Siń», jaki prachodziŭ u Biełarusi, piša Delfi.lv.
Fiestyval u minułyja vychodnyja prachodziŭ u Navapołacku. Jon byŭ arhanizavany pry padtrymcy Minabarony i pryśviečany 50-hodździu sa dnia napisańnia nieaficyjnaha himna desantnikaŭ «Siń».
Na adnym ź videa vidać, što na scenu vyklikali hrupu «Pieravał» z Daŭhaŭpiłsa, paśla čaho na scenu vyjšli siamiora mužčyn, na niekatorych ź jakich byli cialniaški i błakitnyja bierety desantnikaŭ.
U Słužbie dziaržbiaśpieki rastłumačyli, što im viadoma pra hety vypadak, ciapier pravodzicca pravierka faktaŭ.
Na dumku Słužby dziaržbiaśpieki, tak zvanaje ŭšanavańnie rasijskich desantnikaŭ — heta mierapryjemstva, jakoje vykarystoŭvajecca Kramlom u metach prapahandy i ŭ jakaści mier uździejańnia dla prasłaŭleńnia rasijskaha vojska. U svaju čarhu, jak adznačajuć u SDB, u ciapierašnich umovach, kali Rasija praciahvaje vajnu va Ukrainie, metu hetaha mierapryjemstva možna acanić jak usłaŭleńnie i apraŭdańnie poŭnamaštabnaha ŭvarvańnia Rasii va Ukrainu, a taksama rasijskaj armii, vajny i ŭčynienych imi złačynstvaŭ.
Z ulikam hetych abstavinaŭ asoby, jakija majuć dačynieńnie da hieraizacyi rasijskaj ahresii va Ukrainie, mohuć być pryciahnutyja da kryminalnaj adkaznaści.
Fiestyval «Siń» prajšoŭ u Navapołacku, pakolki pieśnia «Siń» maje pramoje dačynieńnie da hetaha horada. Nieaficyjny himn desantnikaŭ usich pakaleńniaŭ upieršyniu prahučaŭ mienavita sa sceny Doma aficeraŭ vajennaha haradka Baravucha-1.
Kamientary