Rasija mahła imitavać puski rakiet z terytoryi Biełarusi z metaj pravakacyi — HUR Ukrainy
«Pra rakiety z terytoryi Biełarusi — imavierna, heta byŭ elektronny pusk abo imitacyja pusku».
«Rasija mahła imitavać puski rakiet z terytoryi Biełarusi z metaj pravakacyi — kab uciahnuć jaje ŭ vajnu suprać Ukrainy». Pra heta Ukrinfarmu skazaŭ pradstaŭnik Hałoŭnaha ŭpraŭleńnia raźviedki Minabarony Ukrainy Andrej Jusaŭ.
«Pra rakiety z terytoryi Biełarusi — imavierna, heta byŭ elektronny pusk abo imitacyja pusku, bo na terytoryi hetaj krainy raźmieščanyja rasijskija vojski, siły i srodki dla roznaha rodu pravakacyj, kab uciahnuć jaje ŭ vajnu suprać Ukrainy», — skazaŭ Jusaŭ.
«Fizična jaho mahło i nie być, ale ŭsio mahło być uładkavana tak, byccam puski adbyvalisia z terytoryi Biełarusi. Infarmacyja ciapier praviarajecca», — paviedamiŭ aficyjny pradstaŭnik ukrainskaj raźviedki.
Nahadajem, što ŭviečary 5 žniŭnia Pavietranyja siły USU papiaredzili ab ruchu rakiet z terytoryi Biełarusi.
Kamientary