U płanach — narešcie zapusk chutkasnaha ciahnika da aeraporta ź Minska.
Padviedzieny vyniki hramadskaha abmierkavańnia prajekta detalovaha płanavańnia terytoryi, jakaja prymykaje da Nacyjanalnaha aeraporta Minsk. Abmierkavańnie pravodziłasia administracyjaj Kastryčnickaha rajona stalicy z 26 červienia da 11 lipienia hetaha hoda, paviedamlajuć «Minsk-Naviny».
Prajektnaja terytoryja ŭklučaje ŭ siabie nie tolki aeraport, ale i Kitajska-biełaruski industryjalny park «Vialiki kamień» i svabodnyja ziemli da aŭtadarohi R-69 Smalavičy-Śmiłavičy. Raniej na ŭsiu hetuju terytoryju ŭžo byŭ raspracavany detalovy płan, ciapier u jaho ŭnosilisia karektyvy. Jakija źmieny prapanujucca?
— Asnoŭnyja pieradumovy źmianieńniaŭ — novaja trasiroŭka chutkasnaj čyhunačnaj linii, jakaja złučaje stalicu z aeraportam, raspracoŭka kancepcyi raźvićcia i dobraŭparadkavańnia pieradaeraportnaj terytoryi, płanavańnie roznaŭzroŭnievaj raźviazki na skryžavańni darohi M‑2 i adnoj z prajektavanych vulic, — raspaviali ŭ BiełNDIP horadabudaŭnictva, dzie raspracavany prajekt.
Jak viadoma, užo dosyć daŭno isnujuć płany prakłaści čyhunačny šlach da aeraporta, kab adtul pasažyry mahli na chutkasnym ciahniku maksimalna chutka i zručna dabracca da stalicy. Prajektujecca budučaja linija. Adnak niaprostaja transpartnaja schiema kala samoha aeraporta ŭskładniaje zadaču.
— My pradumali novuju schiemu, dzie budučaja čyhunačnaja daroha pierasiakajecca z aŭtadarohaj tolki ŭ adnym miescy i ŭ adnym uzroŭni praz skryžavańnie-siemafor, — raspaviadaŭ raniej ahienctvu hałoŭny architektar instytuta Biełdziaržprajekt Viktar Skrobat.
Dla realizacyi hetaj prapanovy ŭ prajekt uniesieny karektyvy i prapanujecca novy varyjant arhanizacyi ruchu na padjeździe da aeraporta.
U samim aeraporcie płanujuć pabudavać niekalki novych terminałaŭ, paviljon dla pryjomu pasažyraŭ, haścinicu, parkinhi, šerah inšych abjektaŭ. Mnohija ź ich raźličany na pierśpiektyvu pry nieabchodnaści raźvićcia aeraporta.
Jak paviedamili ŭ administracyi Kastryčnickaha rajona, u pracesie hramadskaha abmierkavańnia prajekta zaŭvah i prapanoŭ ad mienčukoŭ nie pastupała. U vyniku pryznana, što hramadskaje abmierkavańnie adbyłosia, a sam prajekt rekamiendavany dla dalejšaha zaćviardžeńnia.
-
«Čakajuć trahiedyi?» Kiroŭcy bjuć tryvohu praz stan mosta cieraz Słuč pamiž Mikaševičami i Žytkavičami
-
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami
-
«Miod dla vušej». Biełaruskamoŭny lift u Minsku vyklikaŭ furor
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary