Hienierał Li Čaa, jaki ŭznačalvaŭ rakietnyja vojski Narodna-vyzvalenčaj armii Kitaja (NVAK), i jaho namieśnik Lu Huanbiń niekalki miesiacaŭ nie źjaŭlalisia na publicy.
U Kitai źmianilisia dva najvyšejšyja aficery, kamandujučyja jadziernymi siłami krainy, piša Bi-bi-si.
Hienierał Li Čaa, jaki ŭznačalvaŭ rakietnyja vojski Narodna-vyzvalenčaj armii Kitaja (NVAK), i jaho namieśnik Lu Huanbiń niekalki miesiacaŭ nie źjaŭlalisia na publicy.
Na ich miescy pryznačanyja Van Chaŭbin, jaki da taho zajmaŭ pasadu namieśnika načalnika VMS, i siabra Centralnaha kamiteta partyi Siuj Sišen.
U pačatku leta hetak ža nievytłumačalna z pola zroku źnik ministr zamiežnych spraŭ krainy Cyń Han. Jon nie źjaŭlaŭsia na publicy na praciahu miesiaca. Praź niekalki tydniaŭ było abvieščana, što na jaho miesca pryznačany jaho papiarednik Van I. pryčyny adstaŭki Cyń Hana tak i nie patłumačyli.
Heta samaja bujnaja niezapłanavanaja pierastanoŭka ŭ vajskovym kiraŭnictvie Kitaja za apošniaje dziesiacihodździe. Analityki vykazvajuć zdahadki ab raspačataj u šerahach armii «čystcy».
«Hetaja čystka maje vialikaje značeńnie… bo Kitaj pravodzić adno z samych hłybokich źmianieńniaŭ u jadziernaj stratehii za apošnija dziesiacihodździ, — skazaŭ Łajł Morys, navukovy supracoŭnik pa pytańniach zamiežnaj palityki i nacyjanalnaj biaśpieki Instytuta palityki Azijackaha hramadstva ŭ Ńju-Jorku. — Si Czińpin biesprecedentna ŭmacavaŭ svoj kantrol nad NVAK, ale heta nie aznačaje, što praces zavieršany. Si ŭsio jašče turbuje karupcyja ŭ partyjnych šerahach, i jon daŭ zrazumieć, što absalutnaja łajalnaść partyi jašče nie dasiahnuta».
Si taksama zajmaje pasadu staršyni Najvyšejšaha vajennaha kamandavańnia Kitaja — Centralnaj vajskovaj rady.
Na naradzie ŭ kancy lipienia staršynia padkreśliŭ nieabchodnaść zasiarodzić namahańni na «vyrašeńni surjoznych prablem, ź jakimi sutykajucca partyjnyja arhanizacyi ŭsich uzroŭniaŭ, u takich aśpiektach, jak zachavańnie absalutnaha lidarstva partyi nad uzbrojenymi siłami», paviedamlajuć dziaržaŭnyja ŚMI Kitaja.
Piekin nie kamientuje infarmacyju pra miescaznachodžańnie Li Jučaa i Lu Huanbinia, adnak u paviedamleńni hankonskaha vydańnia South China Morning Post, apublikavanym na minułym tydni sa spasyłkaj na nienazvanyja krynicy, havaryłasia, što antykarupcyjnaja kamisija pačała rasśledavańnie ŭ dačynieńni da hetych hienierałaŭ, a taksama byłoha namieśnika hienierała Li — Čžan Čžeńčžuna.
Novyja pryznačeńni adbylisia za dzień da 96-j hadaviny z dnia zasnavańnia NVAK, jakaja adznačajecca 1 žniŭnia. Abviaścili pra ich na ŭračystaj cyrymonii ŭ štab-kvatery Centralnaha vajennaha savieta ŭ Piekinie.
Abodva byli pavyšany ŭ zvańni z hienierał-lejtenanta da hienierała (上将) — u Kitai heta najvyšejšaje zvańnie dla aficeraŭ.
Pa słovach Morysa, padzieńnie hienierała Li, a taksama niadaŭniaja zamiena ministra zamiežnych spraŭ śviedčać ab tym, što ŭ najvyšejšym kiraŭnictvie krainy ŭ Si ŭ apošni čas namiecilisia surjoznyja prablemy.
U 2014 hodzie ŭ vyniku šyrokaj čystki ŭ šerahach kitajskich vajskoŭcaŭ byli źmieščanyja i pryciahnutyja da adkaznaści za karupcyju byłyja namieśniki staršyni Centralnaha vajennaha savieta Siuj Cajchoŭ i Ha Basiun. Ha byŭ prysudžany vajskovym sudom da pažyćciovaha źniavoleńnia, a Siuj pamior da suda.
Pramova hetaha minskaha vypusknika na liniejcy ŭ 2020-m uzarvała internet. Što z chłopcam ciapier?3
Kamientary