Kitajskamu zaaparku pryjšłosia dakazvać, što jaho miadźviedzi — sapraŭdnyja, a nie ludzi ŭ kaściumach
Zaaparku kitajskaha horada Chančžou pryjšłosia tłumačyć publicy, što jaho małajskija miadźviedzi — heta nasamreč miadźviedzi, a nie ludzi, apranutyja ŭ kaścium miadźviedzia. Pryčynaj stała videa, jakoje raźlaciełasia pa internecie, u jakim adzin ź miadźviedziaŭ, padazrona padobny da čałavieka, stajaŭ na zadnich łapach.
Mnohija karystalniki sacyjalnych sietak zapadozryli, što heta i jość čałaviek. U adkaz pradstaŭniki zaaparka Chančžou zajavili, što ludzi prosta mała viedajuć pra hety vid, piša Bi-bi-si.
Na videa soniečny miadźviedź staić na krai svajho valjera, trymaje łapy pa bakach i, vidać, sam naziraje za naviedvalnikami zaaparka.
Karystalniki sacyjalnych sietak zadavalisia pytańniem, jak miadźviedź moža stajać tak prama na tonkich nahach. Akramia taho, zmorščyny zzadu nižej talii šmatlikim zdalisia bolš padobnymi da kaściuma, jaki drenna siadzić na čałavieku, čym na naturalnuju poŭść na žyvym źviery.
Supracoŭniki zaaparka apublikavali zajavu ad imia samoha miadźviedzia sa słovami: «Niekatoryja ludzi dumajuć, što ja vyhladaju jak čałaviek… Zdajecca, vy nie vielmi dobra mianie viedajecie».
«Kali havorka zachodzić pra miadźviedziaŭ, pieršaje, što prychodzić u hałavu, heta vielizarnaja fihura i niejmaviernaja siła… Ale nie ŭsie miadźviedzi — vołaty i ŭvasableńnie niebiaśpieki», — havorycca ŭ zajavie.
Pradstaŭniki zaaparka nahadali, što małajskija miadźviedzi — ich jašče nazyvajuć «soniečnyja miadźviedzi», abo biruanhi — heta samy maleńki vid miadźviedziaŭ: zvyčajna jany pamieram z bujnoha sabaku, daŭžynia cieła ŭ ich składaje da paŭtara mietraŭ.
Heta vymirajučy vid, jaki žyvie ŭ trapičnych lasach Paŭdniova-Uschodniaj Azii.
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna4
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary