Advažny fin pierapłyŭ Bałtyku, kab sabrać hrošy na dabračynnaść. Vyjšaŭšy z vady, jon padaryŭ žoncy biełuju ružu
U minułuju niadzielu fin Patryk Kvikant startavaŭ z Talina ad prystani jacht-kłuba ŭ Piryta. Učora pozna ŭviečary jon dapłyŭ da Finlandyi.
Zapłyvam cieraź Finski zaliŭ jon pieraśledavaŭ dabračynnuju metu — padtrymać umieńnie dziaciej płavać i sabrać dla hetaha srodki, piša Delfi.ee.
Patryk Kvikant, kamientujučy ŭ finskich miedyja svoj zapłyŭ, skazaŭ, što raźličvaŭ prapłyści adlehłaść 90 kiłamietraŭ za try dni.
Učora ŭviečary, kali na stalicu Estonii abrynuŭsia mocny doždž, śmieły fin užo dabraŭsia da punkta pryznačeńnia. Na sušu jon vyjšaŭ kala dziesiaci hadzin viečara ŭ Chielsinki ŭ rajonie Ejranta.
«Ci treba mnie kazać bolš? Heta nadzvyčaj karysnaja forma mabilnaści, dastupnaja ŭsim nam, finam, kruhły hod», — napisaŭ jon u fejsbuku.
Patryka Kvikanta natchniŭ na zapłyŭ rodny syn: Hustaŭ Kvikant ździejśniŭ marš-kidok pa mory sa Stakholma ŭ Chielsinki, pieraadoleŭšy 500 kiłamietraŭ.
Zapłyŭ Kvikanta-małodšaha praciahvaŭsia bolš za miesiac.
Kamientary