MAK pazbaviŭ Vialikabrytaniju prava praviadzieńnia adboračnych turniraŭ na Alimpijadu z-za «dyskryminacyi» spartsmienaŭ ź Biełarusi i Rasii
Mižnarodny alimpijski kamitet (MAK) pazbaviŭ Łondan prava na praviadzieńnie adboračnych spabornictvaŭ da Alimpijskich hulniaŭ 2024 hoda. Padstavaj stała niazhoda MAK z pazicyjaj urada Vialikabrytanii, jaki abaviazaŭ biełaruskich i rasijskich spartsmienaŭ padpisać dekłaracyju ab niejtralitecie dla ŭdziełu. U MAK nazvali hetaje patrabavańnie dyskryminacyjnym, piša The Times.
Alimpijski park u Łondanie pavinien byŭ pryniać kvalifikacyjnyja turniry da Alimpijady-2024 pa brejk-dansie, skiejtbordynhu, spartyŭnym skałałažańni i viełamotakrosie. Adnak Vykanaŭčaja rada MAK prainfarmavała Brytanskuju alimpijskuju asacyjacyju, što bolš nie razhladaje Łondan u jakaści miesca praviadzieńnia kvalifikacyjnych spabornictvaŭ i nie vyvučaje alternatyŭnych varyjantaŭ u Jeŭropie. Jaki horad prymie turniry zamiest brytanskaj stalicy, MAK pakul nie abviaściŭ.
Pavodle infarmacyi vydańnia, takoje rašeńnie kamitet pryniaŭ u suviazi z patrabavańniem brytanskaha ŭrada, kab biełaruskija abo rasijskija spartsmieny, jakija žadajuć udzielničać u adborach, padpisali asabistuju dekłaracyju ab niejtralitecie. Jany pavinny byli zajavić, što nie padtrymlivajuć vajnu va Ukrainie i rasijskaje kiraŭnictva, a taksama admovicca ad dziaržaŭnaha finansavańnia.
Pa infarmacyi krynic, MAK źviarnuŭ uvahu na toje, što patrabavańnie adnosna dziaržfinansavańnia dyskryminuje małaviadomych spartsmienaŭ u nie samych papularnych vidach sportu, navat kali jany paćvierdziać svoj niejtralitet. Akramia taho, maŭlaŭ, padobnyja zajavy mohuć vyklikać prablemy dla atletaŭ ź Biełarusi i Rasii paśla viartańnia na radzimu: praz heta im tam pahražajuć represii.
U MAK padkreślili: ich palityka ŭ dačynieńni da biełaruskich i rasijskich spartsmienaŭ zaklučajecca ŭ tym, što jany pavinny vystupać jak niejtralnyja ŭdzielniki, nie mieć suviaziaŭ z Uzbrojenymi siłami i nie rabić zajaŭ u padtrymku rasijskaha ŭvarvańnia va Ukrainu.
Ciapier čytajuć
Kačanava prapanavała ŭvieści adkaznaść za «niapraŭdu ŭ tyktoku»11
Kamientary
Čto MOK, čto OON, čto Krasnyj Kriest, čto MAHATIE i dobryj tuzin pravozaŝitnych, mieždunarodnych orhanizacii nie znajut, nie ponimajut, ili diełajut vid, čto nie znajut, nie ponimajut, čto takoje hienocidnaja vojna putina i łukašienko v Ukrainie ?
Pochožie, čto diełajut vid i nie stieśniajutsia.