Adčuj siabie ŭ Pravansie. Dzie ŭ Biełarusi znajści łavandavyja pali?
U siaredzinie leta ŭ paŭnočnym Pravansie kvitnieje łavanda. Łavandavyja pali — vizitnaja kartka Francyi. Siudy pryjazdžajuć turysty, kab natchnicca pryhažościu i nievierahodnym pacham raślin, jeduć tysiačy ludziej, jakija hatovyja płacić sotni jeŭra prosta za mahčymaść zrabić sełfi abo zładzić fotasiesiju na fonie pryhožych kvietak. Ale siońnia možna pieranieścisia ŭ Pravans i biez «šenhiena» ŭ pašparcie. Łavandavyja pali ćvituć jaki ŭžo hod u samych roznych kutkach Biełarusi, piša sajt «Słušna».
Spradvieku łavandu vyroščvali dla narychtoŭki lekaŭ, zboraŭ. Siońnia fijaletavaja kvietka taksama aktyŭna vykarystoŭvajecca čałaviekam, ale jana stała dadatkova nieści dekaratyŭnuju metu: u łavandavych palach usio čaściej arhanizoŭvajuć siamiejnyja, dziciačyja fotazdymki i love story. U našaj krainie taksama jość mahčymaść ubačyć hety cud na ŭłasnyja vočy.
LavandaMia — heta nievialikaja siamiejnaja majsternia, fierma za 30 kiłamietraŭ ad Pinska i internet-krama fłarystyki z zasušanych kvietak i tavaraŭ z łavandy. Hanna Maćviejeva i Vital Kavalevič užo niekalki hadoŭ vyroščvajuć pyšnuju, pryhožuju, jarkuju łavandu. Siamiejnaja para stvaraje bukiety, a padčas ćvicieńnia redkaj dla Biełarusi raśliny z zadavalnieńniem prymaje haściej, hatovych fatahrafavacca ŭ fijaletavym poli.
Svoj Pravans jość pad Homielem (Rudnia Sponickaja, Vietkaŭski rajon, Homielskaja vobłaść). Vielizarnyja łavandavyja pali dazvalajuć adnačasova znachodzicca tut adrazu niekalkim siemjam. Dla fotasiesii ŭsio pradumana: možna ŭziać u arendu lohkija sukienki, košyki, sałamianyja kapialušyki. Haspadary prosiać papiarednie patelefanavać i papiaredzić ab pryjeździe. A paśla fotasiesii tut možna nabyć bukiet śviežaj łavandy — kaštuje jon zusim tanna.
Maładoje i nievialikaje łavandavaje pole znachodzicca ŭsiaho za 80 kiłamietraŭ ad Minska i za 20 kiłamietraŭ ad Maładziečna (vioska Duravičy Vilejskaha rajona). Paradavać siabie i svaich blizkich bukietam duchmianaj łavandy tut prapanujuć ceły hod, a ŭ lipieni z radaściu składuć bukiet sa śviežazrezanaj łavandy. Padčas ćvicieńnia raśliny hości zmohuć zrabić fota ŭ łavandavym poli.
Viła «Łavanda Lepiej» raźmiaściłasia na bierazie voziera ŭ Lepielskim rajonie. Pryjechaŭšy siudy, vy sapraŭdy budziecie zabiaśpiečanyja pryhožymi vidami: z adnaho boku — cichaja vada, z druhoha — kvitniejučaja łavanda. Pravieści fotasiesiju tut možna ŭ lipieni. Potym łavandu buduć źbirać na bukiety i vykarystoŭvać u kulinaryi.
Hrodzienski rajon, ahraharadok Łuckaŭlany. Na hetym łavandavym poli kožny zmoža adčuć siabie mastakom, a cudoŭny łavandavy vodar budzie tolki sadziejničać pošuku natchnieńnia dla tvorčaści jak u kadry, tak i za im. Dla hetaha jość śpiecyjalny rekvizit — malbiert. Treba ŭziać z saboj adpaviednaje adzieńnie i nastroj, tady zdymki sapraŭdy buduć radavać šmat hadoŭ. Tut taksama možna nabyć zasušanyja kvietki, bukieciki łavandy i hidrałat.
Lubeckaya_lavanda — heta łavandavaje pole, jakoje ŭvasobili ŭ žyćcio try siastry. Kvietki rastuć na terytoryi viekavoj siadziby ŭ vioscy Lubki Vilejskaha rajona. Krasavańnie łavandy — dobraja nahoda naviedać miesca, jakoje zachavała duch tradycyjnaj kultury. Taksama tut možna natchniacca narodnaj kulturaj Biełarusi.
Jak pravilna abrazać hartenziju. I čym jana moža być karysnaja, akramia charastva
Vocatnaje dreva i «pomsta susieda». Hetaja raślina ŭvachodzić u modu ŭ Biełarusi, bo jana i pryhožaja, i praktyčnaja
«Chadziemcie ŭ sad? Ja pakažu vas ružam…» Sapraŭdny šedeŭr žančyna stvaryła na leciščy pad Maładziečnam
Ciapier čytajuć
Biełaruska kliča na viasielle zorku «Univiera», jaki za vajnu. Uprehsia ŭvieś Threads7
Kamientary
darečy, tydzień tamu nabyła ŭ Dukory śviečku z łavandaj... skazali, što navat, kali nie zapalvać, pachnuć budzie minimum paŭhady... pachnie sapraŭdy vielmi-vielmi pryjemna...