ARIP z 10 žniŭnia ŭviadzie źmieny. Jany tyčacca praduchileńnia lehalizacyi złačynnych dachodaŭ, finansavańnia terarystyčnaj dziejnaści i raspaŭsiudžvańnia zbroi masavaha paražeńnia, piša «Lusterka».
«Dla fizičnych asob nijakich źmienaŭ niama», — paviedamili ŭ kantakt-centry ARIP. Raskazvać jakija-niebudź inšyja padrabiaznaści ŭ arhanizacyi nie stali, u tym liku admovilisia patłumačyć, jakija źmieny ŭviali dla pastaŭščykoŭ pasłuh, što pracujuć praz ARIP.
Ale prynamsi ŭskosna novaŭviadzieńni, jakija źjaviacca ŭ žniŭni, usio ž taki mohuć zakranuć i fizičnych asob. Tak, u žniŭni ŭviaduć źmieny dla pastaŭščykoŭ pasłuh, jakija pracujuć praz ARIP. Dadałasia novaja padstava dla vyklučeńnia ź ich liku — traplańnie vytvorcy pasłuh u śpis arhanizacyj i fizičnych asob, jakija majuć dačynieńnie da terarystyčnaj dziejnaści. Na hetaj ža padstavie taksama mohuć pieršapačatkova nie ŭklučyć u lik pastaŭščykoŭ pasłuh, jakija pracujuć praz ARIP.
Jak viadoma, paniaćcie «terarystyčnaj dziejnaści» biełaruski režym traktuje vielmi šyroka, u adpaviednym śpisie, jaki viadziecca Kamitetam dziaržaŭnaj biaśpieki i rehularna dabaŭlajecca, užo bolš za 1000 čałaviek. Pieravažna heta robiać za košt uklučeńnia ŭ jaho biełaruskich palitviaźniaŭ, jakija da teraryzmu ni ŭ jakaj formie ani najmienšaha dačynieńnia nie majuć.
Praz ARIP pracujuć ciapier šmatlikija kampanii i indyvidualnyja pradprymalniki. Heta siarod inšaha internet-kramy, afłajn-handal i mnohija inšyja.
Ciapier čytajuć
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi2
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7676
Kamientary