Pryhožyn načavaŭ u łahiery pad Asipovičami? Jaho sfatahrafavali ŭ adnych trusach — «Biełaruski Hajun»
Siońnia ranicaj u pravajennych rasijskich telehram-kanałach źjaviłasia fota čałavieka, padobnaha da Jaŭhiena Pryhožyna, jaki siadzić u nižniaj bialiźnie na łožku ŭ namiocie. Kanał, jaki pieršym apublikavaŭ hetuju fatahrafiju ŭ 11:52, spačatku napisaŭ, što heta fota źjaviłasia ŭ adnym z čataŭ i «ŭ mietadanych aryhinalnaha fota data zdymki — 12 červienia 7:24 ranicy». Adnak paźniej dopis byŭ adredahavany i červień zamienieny na lipień.
Kali heta fota sapraŭdy było zroblena 12 lipienia ŭ 7:24, to ŭ takim vypadku Jaŭhien Pryhožyn sapraŭdy byŭ u łahiery pad Asipovičami, a dakładniej, jon tam načavaŭ, jak piša «Biełaruski Hajun».
11 lipienia «Biełaruski Hajun» pisaŭ, što bort Jaŭhiena Pryhožyna treci raz prylacieŭ u Biełaruś. Jon pryziamliŭsia ŭ Mačuliščach u 19:40. U 20:05 z aeradroma Mačuliščy ŭ rajon Asipovičaŭ palacieli dva viertaloty: Mi-24 i Mi-8 VPS Respubliki Biełaruś.
Na nastupny dzień, 12 lipienia, u rajon Asipovičaŭ z Mačuliščaŭ znoŭ lotali viertaloty Mi-24 i Mi-8 VPS Biełarusi, jakija viarnulisia ŭ Mačuliščy ŭ 14:27 i 14:30. I hałoŭnaje, praz 2 hadziny i 20 chvilin z Mačuliščaŭ u RF, a dakładniej, u Sankt-Pieciarburh, palacieŭ bort Pryhožyna.
Inšymi słovami, kali fota sapraŭdy było zroblena 12.07 u 7:24, to heta całkam paćviardžaje, što Jaŭhien Pryhožyn prylacieŭ u Mačuliščy ŭviečary 11 lipienia, na viertalocie byŭ dastaŭleny ŭ namiotavy łahier u v. Cel, tam pieranačavaŭ i palacieŭ z Mačuliščaŭ na nastupny dzień.
Na inšych fota z namiotavaha łahiera pad Asipovičami taksama padłoha pakryta DSP, u namiotach kvadratnyja vokny z kryžapadobnaj pieramyčkaj i pałatki biełaha koleru.
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m2
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary