Dziaŭčyna z Horak zvaryła hałavu kata, kab upryhožyć joju svoj pakoj
17-hadovaja žycharka Horak vykłała videa, u jakim varyła hałavu kata. Videa mocna ździviła ziemlakoŭ.
Dziaŭčyna — prychilnica moładzievaj subkultury hotaŭ. Na videa jana ŭ charakternym dla hotaŭ zmročnym makijažy dy adzieńni.
Na videa, vykładzienych u sacyjalnyja sietki (my nie pryvodzim jaho z etyčnych mierkavańniaŭ), dziaŭčyna pakazała ŭ pakiecie pamierłaha kata, a paśla jaho hałavu ŭ rondali.
«Nu, ja raździaliła jaho, dastała kiški, adsiekła hałavu, pa kłasicy», — raskazvaje jana na videa.
Čerap žyvioły dziaŭčyna źbirałasia pakinuć u svaim pakoi dla dekoru.
Videa z tym, jak jana abychodzicca ź ciełam kata, razyšłosia pa sacyjalnych sietkach. Paźniej dziaŭčyna ŭsio vydaliła.
Na dziaŭčynu niechta napisaŭ skarhu ŭ milicyju ab žorstkim abychodžańni z žyviołaj. Adzin z aburanych žycharoŭ taksama zvaniŭ u rajvykankam, u adździeł pa spravach moładzi.
Tam skazali, što nie viedajuć pra videa i prasili dasłać im spasyłku na jaho.
Pra vypadak napisaŭ taksama telehram-kanał, blizki da siłavikoŭ. U ich paviedamleńniach havorycca, što dziaŭčyna nie zabivała kata. Raździaleńnie jaho cieła tłumačyła «daśledčymi metami», bo niby «płanuje źviazać dalejšaje svajo žyćcio ź miedycynaj abo vieterynaryjaj».
«Dziejańniam dziaŭčyny budzie dadzienaja pravavaja acenka», —adznačajecca ŭ pabliku siłavikoŭ.
Vyśvietlić, što inkryminujecca niepaŭnaletniaj dziaŭčynie, nie ŭdałosia.
Pa biełaruskim zakanadaŭstvie praduhledžana adkaznaść za ździek z žyvych žyvioł. Tak, za žorstkaje abychodžańnie z žyviołaj, što paciahnuła jaho hibiel abo kalectva, učynienaje z chulihanskich ci inšych namieraŭ, mohuć pakarać hramadskimi pracami, štrafam i navat aryštam.
Krynica, blizkaja da horackaj milicyi, skazała, što baćkoŭ za chulihanski ŭčynak dački, najchutčej, pakarajuć štrafam, a jaje samu pastavić na ŭlik kamisii pa spravach niepaŭnaletnich. Ź joju budzie pracavać psichołah.
«Naša Niva» — bastyjon biełaruščyny
PADTRYMAĆHladzicie taksama:
Maładyja ludzi pačali bolš vieryć u «najvyšejšyja siły»
«Raźvilisia destruktyŭnyja pačućci». BDU i BDUIR asudzili «PVK Rodan»
Jak vyhladali čynoŭniki ŭ rajonach na ŭračystaściach Dnia dziaržaŭnaha ściaha FOTY
Kamientary