Za niekalki tydniaŭ da śmierci Alesia Puškina vyklučyli z Sajuza mastakoŭ
Palitźniavolenaha mastaka Alesia Puškina, jaki pamior u niavoli, i jašče 9 siabroŭ vyklučyli ź Biełaruskaha sajuza mastakoŭ pa rašeńni rady arhanizacyi. Aficyjnyja pryčyny vyklučeńnia roznyja, a nieaficyjnyja — niełajalnaść da ŭładaŭ i apazicyjnyja pohlady, jak raskazali «Našaj Nivie» krynicy.
Pad «začystku» ŭ Biełaruskim sajuzie mastakoŭ trapiŭ i dyzajnier Uładzimir Ceśler, pra što my pisali niadaŭna.
Aleś Puškin pra svajo vyklučeńnie, najchutčej, tak i nie daviedaŭsia: listy da palitviaźnia ŭ hrodzienskuju turmu apošnim časam praktyčna nie dachodzili, i zvarotnaj suviazi ź im nie było ciaham bolš jak dvuch miesiacaŭ.
U sakaviku 2022 hoda mastak byŭ asudžany da 5 hadoŭ kałonii strohaha režymu. Adbyvać pakarańnie jaho nakiravali ŭ papraŭčuju kałoniju ŭ Ivacevičach. Administracyja PK-22 inicyjavała pieravod Alesia Puškina ŭ turmu nibyta za sistematyčnyja parušeńni režymu ŭtrymańnia. Pa rašeńni suda mastaka pieraviali ŭ hrodzienskuju turmu № 1, dzie jon musiŭ pravieści paŭtara hoda.
Unočy z 10 na 11 lipienia jaho pryvieźli z turmy ŭ reanimacyju hrodzienskaha špitala ŭ nieprytomnym stanie. Tam jon, pa nieaficyjnaj infarmacyi, skanaŭ ad nastupstvaŭ prabadnoj jazvy straŭnika: padčas apieracyi ŭ jaho spyniłasia serca.
Siońnia jaho chavajuć na małoj radzimie — u vioscy Bobr Krupskaha rajona.
Aleś Puškin: chto hety hienijalny mastak i palitviazień, što zhinuŭ u źniavoleńni
U trunu pakłali kapialuš. U Babry prachodzić raźvitańnie z Alesiem Puškinym
«Niabačnyja» śviedki spravy Alesia Puškina. Chto danios na mastaka
«Šancaŭ na vyratavańnie nie było». Padrabiaznaści śmierci mastaka Alesia Puškina
«A tiepieŕ davajtie jeŝie raz, na normalnom jazykie». Što adbyvałasia z Alesiem Puškinym za kratami
Vaskrasienski: Adkryvajecca nieba — i Aleś Bialacki adrazu vychodzić13
Kamientary