Pa słovach hienieralnaha dyrektara Meta Marka Cukierbierha, hety zapusk «pierasiahnuŭ čakańni».
Novaja sacsietka Threads ad Meta, jakaja jość kankurentam Twitter, za ličanyja dni paśla zapusku pieravysiła adznaku 100 miljonaŭ karystalnikaŭ, pieraadoleŭšy hetuju miažu značna chutčej, čym ChatGPT ad OpenAI, jakomu na heta spatrebiłasia dva miesiacy, piša The Verge.
«Sietka Threads amal adrazu stała chitom. Za pieršyja dźvie hadziny jana sabrała dva miljony karystalnikaŭ, adkul pačaŭsia pastajanny rost da piaci miljonaŭ, dziesiaci miljonaŭ, 30 miljonaŭ, a zatym i da 70 miljonaŭ», — piša vydańnie.
Heta pry tym, što ŭ ES Threads pakul nie dastupny.
Pa słovach hienieralnaha dyrektara Meta Marka Cukierbierha, hety zapusk «pierasiahnuŭ čakańni».
Pa stanie na čaćvier u sacsietcy ŭžo było bolš za 95 miljonaŭ pastoŭ i 190 miljonaŭ łajkaŭ.
«Adnak Threads usio jašče znachodzicca na pačatkovaj stadyi, i nam pryjdziecca pačakać, kab ubačyć, ci zmoža jana zavajavać takuju ž papularnaść, jak kaliści Twitter.
Pa słovach kiraŭnika Instagram Adama Mosiery, Meta nie stavić svajoj metaj zamianić Twitter, i kampanija nie źbirajecca aktyŭna prasoŭvać «palityčnyja i vielmi surjoznyja naviny» na płatformie», — dadaje The Verge.
Ciapier čytajuć
Upieršyniu za čas nazirańniaŭ tempieratura pavietra ŭ Biełarusi pierakročyła +40°C3
Kamientary