Zialenski: Nie chaču jechać u Vilniu dziela zabavy, Ukraina pavinna atrymać harantyi biaśpieki
Prezident Ukrainy padkreśliŭ, što samit NATO vielmi važny i «heta sprava palityčnaj voli — znajści patrebnyja farmuloŭki i zaprasić Ukrainu».
Prezident Uładzimir Zialenski zajaviŭ, što nie choča jechać na samit NATO ŭ Vilni «dziela zabavy» i čakaje, što Ukraina atrymaje zaprašeńnie ŭ Aljans i harantyi biaśpieki na pieryjad, pakul jana nie źjaŭlajecca čalcom NATO. Pra heta jon zajaviŭ u intervju ABC news.
Prezident Ukrainy padkreśliŭ, što samit NATO vielmi važny i «heta sprava palityčnaj voli — znajści patrebnyja farmuloŭki i zaprasić Ukrainu».
«Heta budzie važny mesedž, što NATO nie baicca Rasii. Ukraina pavinna atrymać dakładnyja harantyi biaśpieki, pakul jana nie ŭ NATO. Heta vielmi važna. Tolki ŭ hetych umovach naša sustreča budzie mieć sens. Inakš heta čarhovaja palityka», — skazaŭ Zialenski.
Na repliku viadučaj «Hučyć tak, što vy naŭrad ci pajedziecie» Zialenski ŭśmichnuŭsia i adkazaŭ: «Čamu? Ja dumaju, my zrobim šmat pracy».
U niadzielu vice-premjer u pytańniach jeŭrapiejskaj i jeŭraatłantyčnaj intehracyi Volha Stefanišyna zajaviła, što pakul niama finalnaha rašeńnia nakont udziełu Zialenskaha ŭ Vilenskim samicie NATO, jaki projdzie 11-12 lipienia.
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary