«Vahnieraŭcy» mohuć źjavicca siarod mihrantaŭ, jakija šukajuć šlach u ES ź Biełarusi — prezident Litvy
Prezident Litvy Hitanas Naŭsieda adznačyŭ, što ź pieramiaščeńniem hrupy «Vahnier» u Biełaruś uzrastaje ryzyka źjaŭleńnia «vahnieraŭcaŭ» siarod nielehalnych mihrantaŭ, jakija praciahvajuć sproby trapić na terytoryju ES. Pra heta jon skazaŭ u padkaście vydańnia Politico, jak paviedamlaje LRT.
Pavodle litoŭskaha prezidenta, Zachad pavinien praanalizavać usie ryzyki, jakija ŭźnikajuć u vyniku pieramiaščeńnia Jaŭhiena Pryhožyna i jaho PVK «Vahnier» u Biełaruś, i rychtavacca da ich.
«Adnojčy siarod hetych nielehalnych mihrantaŭ mohuć źjavicca «vahnieraŭcy». Ci hatovyja my da takoha vykliku? Takoj imaviernaści taksama nielha vyklučać», — adznačyŭ Naŭsieda.
Pa słovach prezidenta Litvy, raźviedka pakul nie maje infarmacyi pra toje, što ŭ Biełaruś, akramia samoha Pryhožyna, pryjechali jašče značnyja siły «vahnieraŭcaŭ», ale zaklikaŭ rychtavacca da hetaha.
«My pavinny razumieć, što nielehalnaja mihracyja abo instrumientalizavanaja mihracyja, jakuju vykarystoŭvajuć takija tyrany, jak Alaksandr Łukašenka abo Uładzimir Pucin, — heta zusim inšaja mihracyja. I na taki vid mihracyi taksama patrebnyja pastanovy», — dadaŭ Hitanas Naŭsieda.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary