Biełaruś atrymała samuju nizkuju canu na haz z Rasii ŭ śviecie da 2031 hoda
Bazavaja doŭhaterminovaja damova z «Hazpramam» pa harantavanych abjomach pastaŭki hazu ŭ krainu dziejničaje vosiem hadoŭ, jak zajaviŭ pasoł Biełarusi ŭ Rasii Dźmitryj Kruty.
«I jašče važny momant: jość rašeńnie Uładzimira Pucina, kab Biełaruś u ramkach doŭhaterminovaha kantrakta z «Hazpramam» da 2031 hoda mieła samuju nizkuju canu na haz u śviecie dla trecich krain», — cytuje dypłamata «RIA Novosti».
Pavodle jaho słoŭ, hetaje rašeńnie stała bazavaj umovaj dla ŭradaŭ abiedźviuch krain, jakoje jany buduć vykonvać u chodzie abmierkavańnia pastavak enierhanośbitaŭ z Rasii ŭ Biełaruś.
«U častcy cenaŭtvareńnia kiraŭniki krain damovilisia pradoŭžyć formułu, jakaja dziejničała apošnija try hady, na nastupny trochhadovy pieryjad — da 2026 hoda», — udakładniŭ pasoł.
Pry hetym jon adznačyŭ, što ŭ śniežni Pucinu i Łukašenku pakažuć mietodyku, jakaja dazvolić zblizić formuły raźlikaŭ cenaŭ na błakitnaje paliva z ulikam struktury ekanomiki.
«Kali, dapuścim, u Smalensku bolšaść hazu spažyvajecca nasielnictvam, to ŭ Biełarusi struktura inšaja: nasielnictva, naadvarot, spažyvaje mała hazu jak resursu, uvieś haz faktyčna spažyvajecca pramysłovaściu i elektraenierhietyčnym siektaram», — apisaŭ situacyju Dźmitryj Kruty.
Ciapier idzie abmierkavańnie na ekśpiertnym uzroŭni, potym biełaruskija prapanovy źvierać ź mietodykaj Fiederalnaj antymanapolnaj słužby.
«Ja dumaju, što ŭsie raźliki my skončym užo da vosieni. Zatym abmierkavańnie na ŭzroŭni ŭrada. I potym užo budzie dakład Łukašenku», — dadaŭ jon.
Ciapier Minsk płacić za rasijski haz $127,52 za tysiaču «kuboŭ». Hetaja cana budzie dziejničać da 2026 hoda.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała14
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary