Pa danosie stukača z čat-ruletki zatrymany 35-hadovy haradzieniec, jaki vitaŭsia słovami «Žyvie Biełaruś» i «Słava Ukrainie»
Za jašče adnaho čałavieka za kratami stukač Juryj Komar atrymaŭ pachvału ad hubazikaŭcaŭ.
Antonu Biełavołavu 35 hadoŭ. Jon prajšoŭ terminovuju słužbu ŭ vojsku, a paśla skončyŭ Biełaruski dziaržaŭny technałahičny ŭniviersitet. Ciapier mužčyna pracuje ŭ kampanii «BiełHro», jakaja zajmajecca vytvorčaściu mebli ŭ Hrodnie, zajmaje pasadu načalnika kanstruktarska-technałahičnaha adździeła.
Jaho zatrymali paśla razmovy sa stukačom z čat-ruletki Juryjem Komaram. Pa jahonych danosach zatrymali ŭžo bolš za dziesiać čałaviek, častka ź ich paśla apynułasia za kratami.
Padčas razmovy ŭ čat-ruletcy mužčyna adkazaŭ na pryvitańnie «Žyvie Biełaruś» i «Słava Ukrainie» i vykazvaŭ praŭkrainskija pohlady. Paśla hetaha, jak paviedamlajuć siłaviki ŭ svaim kanale, u jaho adšukali kamientar u adnym z «ekstremisckich» čataŭ. Ciapier mužčyna zatrymany.
«Naša Niva» — bastyjon biełaruščyny
PADTRYMAĆ
Kamientary