U 11-y pakiet sankcyj Jeŭrasajuza ŭklučyli dvuch čynoŭnikaŭ ź Biełarusi
Pastanova ab uviadzieńni 11-ha pakieta sankcyj Jeŭrasajuza suprać Rasii ŭstupiła ŭ siłu, jana apublikavanaja ŭ aficyjnym časopisie ES. Novyja sankcyi ŭklučajuć zabaronu na transpartavańnie nafty z Rasii pa paŭnočnaj halincy naftapravoda «Družba», abmiežavańni na ŭjezd rasijskich pryčepaŭ u Jeŭrasajuz, a taksama zachady, skiravanyja suprać abychodu raniej uviedzienych abmiežavańniaŭ. Taksama ŭviedzienyja sankcyi suprać fizičnych asob i arhanizacyj.
U śpis fizičnych asob, jakija patrapili pad sankcyi, uklučyli i dvuch biełaruskich čynoŭnikaŭ. Heta kiraŭnik Biełaruskaj čyhunki Uładzimir Marozaŭ i staršynia Dziaržaŭnaha vajenna-pramysłovaha kamiteta Dźmitryj Pantus.
Śćviardžajecca, što Uładzimir Marozaŭ padtrymlivaŭ razhortvańnie i transparciroŭku rasijskaha vajskovaha piersanału i techniki, jakija ŭdzielničali ŭ vajnie, tamu niasie adkaznaść za padtrymku i realizacyju dziejańniaŭ i palityki, jakija pahražajuć terytaryjalnaj cełasnaści, suvierenitetu i niezaležnaści Ukrainy.
Struktura, jakoj kiruje Dźmitryj Pantus, raspracoŭvaje i absłuhoŭvaje ŭzbrajeńnie, vajskovuju i śpiecyjalnuju techniku, sadziejničaje vytvorčaści zbroi padviedamnymi pradpryjemstvami, zabiaśpiečvaje vajenna-pramysłovuju kaapieracyju. Taksama Dziaržkamvajenpram zajmajecca nahladam za pieramiaščeńniem zbroi praź dziaržaŭnuju miažu i zabiaśpiečvaje navihacyju rasijskaha vojska. Padkreślivajecca, što na svajoj pasadzie Pantus akazvaje vajskovuju padtrymku Rasii ŭ jaje vajnie suprać Ukrainy.
Pra namier uklučyć Marozava i Pantusa ŭ sankcyjny śpis było viadoma z pačatku maja. Nacyjanalnaje antykryzisnaje ŭpraŭleńnie śćviardžaje, što paśla taho byli sproby łabistaŭ Łukašenki na Zachadzie vyklučyć abodvuch ź pieraliku, ale «nam udałosia zabiaśpiečyć ich uniasieńnie ŭ sankcyjny śpis».
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary