Natalla Kačanava zajaviła, što časam joj chočacca ŭstać i kryčać
«Toje, što siońnia my žyviom u mirnaj krainie, — heta zasłuha Alaksandra Łukašenki», — kaža staršynia Savieta Respubliki.
Staršynia Savieta Respubliki naviedała siońnia Brest, dzie sustrełasia z aktyvam, u tym liku z pradstaŭnicami Biełaruskaha sajuza žančyn.
«Viedaju ja, viedaju, što pradstaŭnicy BSŽ buduć udzielničać u vybarčaj kampanii, moža, chtości z vas budzie bałatavacca ŭ deputaty. Treba, kab tudy pryjšli aktyŭnyja, sa svajoj žyćciovaj pazicyjaj, kab kazali hučna, kab žanočy hołas byŭ čutny!
I mnie časam chočacca ŭstać i kryčać: Nie čapajcie nas! Dajcie nam žyć. Što vy da nas čaplajeciesia? Što treba ad nas?» — cytuje słovy Kačanavaj telehram-kanał Savieta Respubliki.
Taksama jana zakranuła pytańnie dapamohi maładym siemjam pry adkazie na pytańnie: «Ci možna pašyryć katehoryju hramadzian, jakija mohuć raźličvać na dziaržpadtrymku ŭ budaŭnictvie žylla, naprykład, dla maładych siemjaŭ?»
«My dumajem, jak heta zrabić. Ciapier dziaržava pajšła pa šlachu budaŭnictva arendnaha žylla. I ciapier jaho budujecca ŭ razy bolš, čym raniej. My šukajem pravilnyja šlachi vyrašeńnia hetaha pytańnia. Važna prymać pravilnyja, praličanyja rašeńni», — adkazała na pytańnie staršynia Savieta Respubliki.
Taksama Natalla Kačanava viarnułasia da padziej 2020 hoda.
«Ja zaŭsiody vyrazna razumieła, i ŭ 2020 hodzie, i raniej: naš prezident zmoža ŭtrymać krainu. Hety čałaviek, jak haspadar, pieražyvaje za ŭsio: i za sielskuju haspadarku, i za pramysłovaść, i za sacyjalnuju śfieru.
Jon zaŭsiody patrabuje ad nas spraviadlivaści, i my pavinny zrabić usio, kab nie padvieści svajho lidara. Na im vielmi šmat trymajecca, paviercie.
Toje, što siońnia my žyviom u mirnaj krainie, — heta jaho zasłuha», — reziumavała Natalla Kačanava.
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU11
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1010
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»10
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary