Наталля Качанава заявіла, што часам ёй хочацца ўстаць і крычаць
«Тое, што сёння мы жывём у мірнай краіне, — гэта заслуга Аляксандра Лукашэнкі», — кажа старшыня Савета Рэспублікі.
Старшыня Савета Рэспублікі наведала сёння Брэст, дзе сустрэлася з актывам, у тым ліку з прадстаўніцамі Беларускага саюза жанчын.
«Ведаю я, ведаю, што прадстаўніцы БСЖ будуць удзельнічаць у выбарчай кампаніі, можа, хтосьці з вас будзе балатавацца ў дэпутаты. Трэба, каб туды прыйшлі актыўныя, са сваёй жыццёвай пазіцыяй, каб казалі гучна, каб жаночы голас быў чутны!
І мне часам хочацца ўстаць і крычаць: Не чапайце нас! Дайце нам жыць. Што вы да нас чапляецеся? Што трэба ад нас?» — цытуе словы Качанавай тэлеграм-канал Савета Рэспублікі.
Таксама яна закранула пытанне дапамогі маладым сем'ям пры адказе на пытанне: «Ці можна пашырыць катэгорыю грамадзян, якія могуць разлічваць на дзяржпадтрымку ў будаўніцтве жылля, напрыклад, для маладых сем'яў?»
«Мы думаем, як гэта зрабіць. Цяпер дзяржава пайшла па шляху будаўніцтва арэнднага жылля. І цяпер яго будуецца ў разы больш, чым раней. Мы шукаем правільныя шляхі вырашэння гэтага пытання. Важна прымаць правільныя, пралічаныя рашэнні», — адказала на пытанне старшыня Савета Рэспублікі.
Таксама Наталля Качанава вярнулася да падзей 2020 года.
«Я заўсёды выразна разумела, і ў 2020 годзе, і раней: наш прэзідэнт зможа ўтрымаць краіну. Гэты чалавек, як гаспадар, перажывае за ўсё: і за сельскую гаспадарку, і за прамысловасць, і за сацыяльную сферу.
Ён заўсёды патрабуе ад нас справядлівасці, і мы павінны зрабіць усё, каб не падвесці свайго лідара. На ім вельмі шмат трымаецца, паверце.
Тое, што сёння мы жывём у мірнай краіне, — гэта яго заслуга», — рэзюмавала Наталля Качанава.
Цяпер чытаюць
Затрымалі аднаго з удзельнікаў ювелірнага брэнда Belaruskicry Ягора Бужылава. Прапагандысты паказалі яго3
Каментары