Uvodzicca administracyjnaja adkaznaść za «prapahandu nietradycyjnych seksualnych adnosin» i biaździetnaści
Pa inicyjatyvie Hienieralnaj prakuratury zaćvierdžany płan mierapryjemstvaŭ pa abaronie dziaciej ad seksualnaha hvałtu i ekspłuatacyi. Jon praduhledžvaje ŭviadzieńnie chimičnaj kastracyi piedafiłaŭ. Ale pad šumok upieršyniu ŭvodzicca taksama adkaznaść za «prapahandu nietradycyjnych seksualnych adnosin» i biaździetnaści, na ŭzor taho, što isnuje ŭ Rasii. Hetyja normy lohka mohuć vykarystanyja dla pieraśledu ŁHBT i adzinokich.
Jak paviedamlaje pres-słužba prakuratury, padrychtavanyja źmieny ŭ Kryminalny kodeks: razam z pakarańniem za złačynstva prysudam suda praduhledžvajecca prymusovaje lačeńnie asob, jakija chvoryja na piedafiliju.
Raspracavany i zaćvierdžany kliničny pratakoł, jaki źmiaščaje ałharytm lačeńnia piedafilii, u tym liku z prymianieńniem chimičnaj kastracyi.
Pryniatyja miery pa raźvićci dastupnaj seksałahičnaj dapamohi nasielnictvu, jak paviedamlaje pres-słužba, nie raskryvajučy padrabiaznaściaŭ.
Łukašenka, pavodle paviedamleńnia, padtrymaŭ inicyjatyvy Hienprakuratury «ab prapracoŭcy pytańniaŭ, jakija tyčacca ŭzmacnieńnia adkaznaści baćkoŭ; vyznačeńni administracyjnaj adkaznaści za prapahandu nietradycyjnych seksualnych stasunkaŭ, źmieny połu, piedafilii i čajłdfry; ukaranieńnia ŭ adukacyjny praces abaviazkovaha kursa na temu pałavoha vychavańnia dziaciej i moładzi; uzmacnieńnia kantrolu za raniej sudzimymi asobami, u tym liku z vykarystańniem elektronnych branzaletaŭ».
Za apošnija 5 hadoŭ, pavodle Hienprakuratury, u Biełarusi bolš za 3,5 tysiačy dziaciej stali achviarami złačynstvaŭ suprać pałavoj niedatykalnaści.
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7878
Kamientary
Etich monstrov nužno tupo staviť k stienkie,biez razhovorov. Na nich prava čiełovieka nie mohut rasprostraniaťsia,bo eto nie ludi,eto monstry.