Rasija nie zhodnaja z prapanavanym Biełaruśsiu pavyšanym taryfam prapampoŭki nafty pa «Družbie»
Rasiju nie zadavalniaje prapanavanaje Biełaruśsiu pavyšeńnie taryfu prapampoŭki nafty praz naftapravod «Družba», paviedamiŭ ministr enierhietyki RF Mikałaj Šulhinoŭ.
«My budziem abmiarkoŭvać hetaje pytańnie. Tam ciapier pastaŭki iduć bolš u Hiermaniju i Polšču, ale ŭsio adno my pavinny vyznačyć spraviadlivy i ekanamična abhruntavany taryf», — cytuje čynoŭnika TASS.
«Pastaŭki tam iduć u Hiermaniju pa paŭnočnaj halincy, my ich uzhadniajem. Adhruzak rasijskaj nafty tam ciapier niama. Sukupnyja abjomy naroščvajucca kožny miesiac, u pieršuju čarhu Hiermanijaj. My štokvartalna hladzim, kolki nafty moža prapuścić trubapravodnaja sistema. Na hod uzhodniena pastaŭka 1,2 młn ton, heta značyć pa 100 tysiač ton u miesiac. Kazachstan u dyskusii nie ŭdzielničaje, tamu što trubapravod nie ich. Kazachstan moža ŭžo potym prymać rašeńnie, bolš ci mienš pampavać», — adznačyŭ Šulhinoŭ.
Pry hetym ministr nie staŭ kamientavać, ci rentabielny budzie taki taryf, adznačyŭšy, što «jašče nie damovilisia pra taryf. Hetaje pytańnie abmiarkoŭvajecca».
Biełaruś z 1 lipienia biahučaha hoda choča pavysić taryf na prapampoŭku nafty pa svaim učastku naftapravoda «Družba» až na 84% dla kampiensacyi strat ad ahulnaha źnižeńnia abjomu pastavak rasijskaj nafty. Z takoj prapanovaj źviarnułasia «Homieltransnafta Družba» da rasijskaj «Transnafty».
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary15
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary