«Biełarusnafta» pabuduje svoj zavod pa vytvorčaści kvarcavaha piasku
Kampanija «Biełarusnafta» ŭ ramkach impartazamiaščeńnia biarecca pabudavać u Małaryckim rajonie ŭłasny horna-ŭzbahačalny kambinat pa vytvorčaści frakcyjnaha kvarcavaha piasku, piša Tochka.by.
Hety inviestycyjny prajekt, jak miarkujecca, dazvolić zładzić vytvorčaść frakcyjnaha kvarcavaha piasku dla praviadzieńnia apieracyj hidrarazryvu płasta. A heta, u svaju čarhu, spatrebicca pry raspracoŭcy ajčynnych nietradycyjnych radoviščaŭ.
Jak rastłumačyŭ načalnik upraŭleńnia śvidravinnych technałohij i servisu kampanii «Biełarusnafta» Dzianis Zakružny, štohod kolkaść apieracyj hidraŭličnaha razryvu płasta ŭzrastaje, i ciapier kampanija vyjšła na rekordnyja pakazčyki.
«Heta asabliva aktualna dla nietradycyjnych zapasaŭ I-III płastoŭ Rečyckaha radovišča. Asnoŭny materyjał, jaki vykarystoŭvajecca pry praviadzieńni hidraŭličnaha razryvu płasta, — prapant i piaski, jakija nabyvajucca za miežami krainy», — rastłumačyŭ Zakružny.
Praz budaŭnictva novaha zavoda pad Małarytaj hety praces spadziajucca zrabić bolš tannym.
Ciapier, jak paviedamlajecca, idzie paetapny praces raspracoŭki prajektnaj dakumientacyi, prachodžańnia ekśpiertyz, pastaŭki abstalavańnia z Kitaja. Piasok, prydatny paśla ŭzbahačeńnia dla vykarystańnia na naftavych radoviščach pad Rečycaj, u biełaruskich karjerach nibyta znajšli.
Biełaruś prosić pavysić taryfy na transparciroŭku nafty amal udvaja, bo biełaruski apieratar niasie straty
Erdahan zajaviŭ, što ŭ Turcyi znajšli vialikija zapasy vysakajakasnaj nafty
«Skarystalisia dobraj volaj Čaviesa». Eks-ministr Vieniesueły paćvierdziŭ, što Minsk nie viarnuŭ jaho krainie kala 1,5 młrd dalaraŭ
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary