Erdahan zajaviŭ, što ŭ Turcyi znajšli vialikija zapasy vysakajakasnaj nafty
Prezident Turcyi Redžep Taip Erdahan abviaściŭ u aŭtorak pra adkryćcio novych zapasaŭ nafty ŭ rajonach Džudzi i Habar u pravincyi Šyrnak na paŭdniovym uschodzie krainy. Pavodle jaho słoŭ, vytvorčaja mahutnaść novaha radovišča aceńvajecca ŭ 100 tysiač baralaŭ u sutki, paviedamlaje ahienctva «Anadołu».
«Chaču padzialicca dobrymi navinami. My vyjavili zapasy nafty z vytvorčaj mahutnaściu 100 000 baralaŭ u sutki ŭ Džudzi i Habary», — skazaŭ prezident Turcyi na cyrymonii adkryćcia samaj bujnoj soniečnaj elektrastancyi ŭ Jeŭropie (SES «Karapynar») i zapusku inšych niadaŭna zavieršanych abjektaŭ u centralnaj pravincyi Końja.
Kiraŭnik dziaržavy adznačyŭ, što niadaŭna znojdzienaja nafta «maje vysakajakasnuju strukturu».
Turecki lidar padkreśliŭ, što «Turcyja bolš nie budzie zaležać ad inšych u enierhietycy, staŭšy dziaržavaj-eksparcioram enierhii».
Erdahan taksama skazaŭ, što nafta, znojdzienaja na hłybini 2600 mietraŭ, budzie zdabyvacca «z dapamohaj 100 śvidravin. «Zapasy zmohuć zadavalniać adnu dziasiatuju častku našaha štodzionnaha spažyvańnia», — dadaŭ jon.
Erdahan taksama paviedamiŭ, što naftavaja śvidravina ŭ Habary budzie nazvanaja ŭ honar maładoj nastaŭnicy muzyki Ajbukie Jałčyn, jakaja była zabitaja ŭ vyniku teraktu Rabočaj partyi Kurdystana ŭ 2017 hodzie na paŭdniovym uschodzie Turcyi.
«Spadziajusia, što naša novaje radovišča, śvidravina Ajbukie Jałčyn — 1, daść bolš nafty, čym zdabyvajecca pa ŭsioj krainie», — dadaŭ jon.
Nahadajem, što 14 maja ŭ Turcyi projduć prezidenckija i parłamienckija vybary.
Čytać taksama:
Erdahan zajaŭlaje, što tureckaja raźviedka zabiła lidara «Isłamskaj dziaržavy» u Siryi
Erdahanu stała błaha ŭ žyvym efiry
Erdahan upieršyniu źjaviŭsia na publicy paśla taho, jak zachvareŭ na straŭnikavy hryp
-
U ZŠA znajšli cieła šaścihadovaha chłopčyka — maci kaža, što ź jaho «vyhaniali demanaŭ»
-
Na pracoŭnym stale ŭ Pucina staić kampjutar z apieracyjnaj sistemaj, jakaja ŭžo šmat hod nie abnaŭlajecca
-
Tramp nieanansavana pierahavaryŭ z Pucinym: Pucin skazaŭ, i vielmi rašuča, što jamu daviadziecca adkazać na ataku pa aeradromach
Kamientary