«Pierapoŭnieny pakoj» — sieryjał, natchniony historyjaj čałavieka, u hałavie jakoha žyvuć 24 asoby
U centry apoviedu — historyja, vartaja ŭvahi.
Zaciahnuty, hety sieryjał ź dziesiaci epizodaŭ nie maje dramatyčnaj vahi, nieabchodnaj dla apraŭdańnia jaho praciahłaści. A ŭ jaho apoviedzie niama impulsu, z-za jakoha za im było b cikava sačyć. Pry hetym u jakaści asnovy ŭziataja sapraŭdy vartaja ŭvahi, trahičnaja historyja pra maładoha čałavieka, jaki zmahaŭsia za svajo psichičnaje zdaroŭje.
Jość u jaho historyi i tema taho, jak sistema sacyjalnaj abarony ŭvieś čas padvodzić uraźlivyja hrupy dziaciej, psichična chvorych, partnioraŭ, jakija ciarpiać hvałt.
«Pierapoŭnieny pakoj» natchniony navukova-papularnaj knihaj Denieła Kiza 1981 hoda «Šmatliki rozum Bili Milihana», zasnavanaj na realnych padziejach. Choć realny piersanaž ramana całkam adroźnivajecca ad hieroja sieryjała Deni, krytyčnaja suviaź pamiž imi dvuma palahaje ŭ tym, što jany abodva pakutujuć ad dysacyjatyŭnaha rasstrojstva asoby i im abodvum davodzicca dakazvać, što ich dyjahnaz sapraŭdny, u sudzie.
Sieryjał pačynajecca scenaj stralby ŭ bujnym Rakfieleraŭskim centry, paśla jakoj Deni apynajecca pad vartaj u palicejskim upraŭleńni Ńju-Jorka. Tam jon sustrakaje psichołaha, jakoj daručana razhadać składanaje žyćcio Deni. «Ja tut tolki dla taho, kab pahavaryć», — kaža jana svajmu padapiečnamu, i jon pačynaje raskazvać.
Psichołah praciahvaje sieryju sieansaŭ z Deni, kab zrazumieć składanaść jaho stanovišča dla naležnaj abarony ŭ sudzie. Krytyki adznačajuć dobruju ihru abaich akcioraŭ i navat kažuć, što hety sieryjał moh by lepš spracavać jak pjesa dla dvuch čałaviek biez hrandyjoznych epizodaŭ u inšych krainach i mieładramatyčnych scen.
Ale terapieŭtyčny dyjałoh uvieś čas viartajecca ŭ płoskaść uspaminaŭ, jakija malujuć pierad nami inšuju liniju — historyju staleńnia padletka ŭ 1970-ja hady. Mnohija sceny i dyjałohi ŭ hetaj linii vyhladajuć davoli banalnymi (typu «ja nie byŭ vielmi papularnym dziciem u škole») — jak byccam jany byli vyrvanyja ź luboj sučasnaj historyi pra padletkaŭ.
Usio heta razbaŭlena naboram halivudskich kliše pra traŭmy psichičnaha zdaroŭja, vyklikanyja składanymi adnosinami maci z byłym mužam, uładnymi pavodzinami maci, dziciačymi isterykami. Hetyja prablemy padajucca bieź niuansaŭ, paviarchoŭna.
Kinakrytyki adznačajuć starańni i pierakanaŭčuju ihru vykanaŭcy hałoŭnaj roli Toma Chołanda, raniej viadomaha pa roli Čałavieka-pavuka, bo akcior robić usio, kab trymać uvahu hledača. Ale, mahčyma, heta adzinaja pryčyna, kab hladzieć «Pierapoŭnieny pakoj».
Bolš pra kino:
Na ekranach — «Rusałačka». Ci ŭdałosia sučasnaje pieraasensavańnie?
-
«Zakuliśsie»: 20‑hadovy jutubier biez kinošnaj adukacyi źniaŭ film, jaki ŭsie abmiarkoŭvajuć i łamajuć hałavu nad razhadkaj
-
«Skončycie ŭžo hetu bojniu». Režysior Źviahincaŭ atrymaŭ Hran-pry Kanskaha fiestyvalu i źviarnuŭsia sa sceny da Pucina
-
«Spačatku žančyny»: u hetym filmie žančyny kirujuć śvietam, a mužčyny vučacca być spakuślivymi, kab zrabić karjeru
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1919
Kamientary