Čynoŭniki abviaścili najlepšym internet-prajektam prapahandyscki jutub-kanał, dzie niekatoryja videa źbirajuć pa 30 prahladaŭ
Ministerstva infarmacyi abviaściła pieramožcaŭ konkursu «Załataja liciera», jaki pravodzicca siarod dziaržaŭnych miedyja. Niekatoryja vyklikajuć niedaŭmieńnie.
Tak, najlepšym internet-prajektam rehijanalnych i karparatyŭnych vydańniaŭ nazvali «Viačerni palityčny kanał» — prajekt ahienctva «Minsk-Naviny».
Hety jutub-kanał maje pad 2 tysiačy padpisantaŭ. Videa na im źbirajuć zvyčajna pa paru socień prahladaŭ. Asabliva niepapularnym vyhladaje aŭtarski prajekt prapahandysta Vadzima Jałfimava. Vypuski ź im za apošnija tydni časam nie nabirajuć i 50 prahladaŭ.
Kaniečnie, byvajuć na kanale i videa na paru tysiač prahladaŭ. Adzinaja tema, jakaja pryniesła dziasiatki tysiač prahladaŭ, — prezidentka Małdovy Maja Sandu.
Adznačym jašče niekalki naminacyj.
Śpiecyjalny pryz «Za ŭkład u žurnalistyku» ŭručany ahladalniku adździeła palityčnaj infarmacyi vydavieckaha doma «Biełaruś siehodnia», prapahandystu Andreju Mukavozčyku.
Siarod rehijanalnych i karparatyŭnych miedyja za najlepšyja materyjały kulturałahičnaj, historyka-krajaznaŭčaj tematyki ŭznaharodzili časopis «Milicyja Biełarusi» — za cykł artykułaŭ Mikałaja Andrasiuka.
Hran-pry konkursu jak najlepšyja tvorčyja prajekty hoda atrymali prajekt «Školny dziońnik» lachavickaj rajonki i prajekt «Za piačatkaj pamiaci» (jaho robić BiełTA, hazieta «7 dzion» i časopis «Biełaruskaja dumka» sumiesna z Hienieralnaj prakuraturaj i Ministerstvam justycyi).
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary
😄