Hramadstva11

Pieršy CE pieraličać pa novaj mietodycy. Vyniki možna budzie daznacca ŭžo siońnia

Vyniki druhoha CE taksama buduć raźličanyja pa hetaj ža mietodycy, ich možna budzie daviedacca ŭ paniadziełak. Pra heta žurnalistam paviedamiŭ ministr adukacyi Andrej Ivaniec, piša BiełTA.

Fota: BiełTA

«Skončyła pracu mižviedamasnaja kamisija, jakaja praviarała karektnaść padliku vynikaŭ pieršaha centralizavanaha ekzamienu.

Vyniki pravierki pakazali, što pamyłak niama, u tym liku i ŭ mietodycy raźliku testavych bałaŭ. Razam z tym pa kolkaści zvarotaŭ, jakija da nas pastupili ad hramadzian, stała vidavočna, što mietodyka zanadta składanaja.

Tamu Alaksandram Łukašenkam dadzienaje kankretnaje daručeńnie — spraścić mietodyku raźliku i zrabić jaje zrazumiełaj dla kožnaha čałavieka. Ministerstva adukacyi takuju rabotu praviało, u jaje raspracoŭcy vykarystoŭvalisia padychody, jakija ŭžyvalisia pry praviadzieńni repietycyjnaha testavańnia.

Užo siońnia buduć pieraličanyja vyniki pieršaha centralizavanaha ekzamienu i siońnia ž raźmieščanyja na sajcie RIKV, a taksama ŭ asabistych kabinietach abituryjentaŭ. Vyniki druhoha CE taksama buduć raźličanyja pa hetaj ža mietodycy, ich možna budzie daviedacca ŭ paniadziełak», — skazaŭ Andrej Ivaniec.

Jon adznačyŭ, što razam z vynikami centralizavanaha ekzamienu — jak pieršaha, tak i druhoha — apublikujuć tablicy pieravodu pieršasnych bałaŭ u testavyja, pa jakich kožny abituryjent i kožny vypusknik zmoža pierapravieryć pravilnaść i karektnaść raźliku svaich vynikaŭ.

«Usim abituryjentam, jakija rychtujucca da ŭdziełu ŭ centralizavanym testavańni, varta taksama razumieć, što ŭmovy praviadzieńnia i CE, i CT buduć absalutna identyčnyja. Heta tyčycca jak składanaści testavych zadańniaŭ, jakija całkam adpaviadajuć školnaj prahramie, tak i raźliku testavych bałaŭ. Heta vielmi važna, tamu što my pavinny stvaryć roŭnyja, zrazumiełyja, spraviadlivyja ŭmovy jak dla ŭsich vypusknikoŭ hetaha hoda, tak i dla vypusknikoŭ minułych hadoŭ, jakija sioleta buduć mieć mahčymaść zdać try centralizavanyja testavańni dla pastupleńnia ŭ našy ŭniviersitety», — skazaŭ na zakančeńnie kiraŭnik adukacyjnaha viedamstva.

Akramia taho, Ministerstva adukacyi praciahnie pryjom hramadzian, i ŭ vypadku ŭźniknieńnia pytańniaŭ buduć dadzienyja tłumačeńni.

Kamientary1

  • Barmahłot
    02.06.2023
    Jak tam było ŭ Struhackich, "I chaj nichto nie pojdzie pakryŭdžanym"? Ci razumiejuć "ščaśliŭcy", što na adnosnym raźmierkavańni bałaŭ (a tolki jano, a nie absalutnyja vyniki, faktyčna maje ŭpłyŭ na vyniki ŭstupnaj kampanii) hety pieralik nijak nie adlustrujecca? Zatoje ciapier možna budzie z honaram śćviardžać, čto BSSR - heta zapaviednik hienijaŭ, bo ciažka budzie znajści kahoś z adznakaj nižej za 70. Škada, što heta tolki čarhovy elemient fantasmaharyčnaj alternatyŭnaj realnaści, u jakuju usio hłybiej apuskajecca kraina. 

Ciapier čytajuć

Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim11

Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim

Usie naviny →
Usie naviny

«Adzin hladzieŭ telefon, druhi razmaŭlaŭ, a treci ŭ baku naziraŭ». Jak ciapier pravodziać dopyty na miažy Biełarusi ź ES17

Trampa spytali, ci jon usio jašče ličyć NATA sastarełaj arhanizacyjaj

Pakalečanaja ŭ Dubai ŭkrainskaja madel pačała havaryć33

«Napramak suśvietnaha ŭzroŭniu». Kurort u Paŭnočnaj Karei budavali, kab adkryć KNDR śvietu, ale pakul i rasijanie nie chočuć jechać8

BMW sutyknułasia ź ZIŁ. Dva čałavieki zahinuli ŭ DTZ u Žytkavickim rajonie

Maci sprabavała viarnuć traich dziaciej praz TikTok. Što vyrašyła kamisija?

Biełaruski forvard polskaj «Lehii» Illa Škuryn nie lacić na matč u Kazachstan praź niebiaśpieku być zatrymanym11

Pistoryus: Novyja Patriot nie źjaviacca va Ukrainie najbližejšym časam2

Jak Kitaj zrabiŭ ryvok u zialonaj ekanomicy, pakinuŭšy Jeŭropu daloka zzadu8

bolš čytanych navin
bolš łajkanych navin

Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim11

Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim

Hałoŭnaje
Usie naviny →

Zaŭvaha:

 

 

 

 

Zakryć Paviedamić