U asnovie pomnika piśmieńnika-«našaniŭca» — plita, jakaja simvalična budzie nahadvać nivu pad paryvam vietru.
U repartažy, jaki vyjšaŭ učora na ANT, upieršyniu pakazali zaćvierdžany eskizny varyjant pomnika Źmitraku Biadulu, jaki pastaviać na jahonaj mahile na Uschodnich mohiłkach.
Biełaruski piśmieńnik i paet Źmitrok Biadula (Samuił Płaŭnik) pamior u evakuacyi ŭ kazachstanskim Uralsku 3 listapada 1941 hoda. Tam i byŭ pachavany. U 2020 hodzie adbyłosia pierapachavańnie ŭ Minsku na Uschodnich mohiłkach. Tady adbyŭsia kazus: nierelihijnaha jaŭreja pierapachavali z udziełam baciuški, a na mahile pastavili pravasłaŭny kryž z ruskamoŭnym nadpisam.
Źmitrok Biadula spačatku debiutavaŭ ź biełaruskamoŭnymi tvorami ŭ «Našaj Nivie», a ŭ 1914 hodzie byŭ pryznačany sakratarom u hazietu, redaktaram-vydaŭcom jakoj tady byŭ Janka Kupała.
Aŭtar pomnika Źmitraku Biadulu — skulptar Siarhiej Humileŭski, jaki patłumačyŭ svaju zadumu telehram-kanału «Spadčyna». Nadmahilny pomnik budzie vykanany ŭ vyhladzie asimietryčnaj plity z darahoha zialonaha hranitu, jakaja pa formie nahadvaje nivu pad paryvam vietru, na plicie — bronzavaja skulpturnaja vyjava paeta ŭ časie paetyčnaha rozdumu. Asimietryja nadmahilnaj plity taksama musić nadavać pomniku paetyčnaje hučańnie. Padychod da pomnika płanujuć zrabić z brukavanki, što simvalizuje składany žyćciovy šlach, jakim prajšoŭ Biadula i praz šmat hadoŭ viarnuŭsia na radzimu. Vyšynia pomnika — 180 santymietraŭ, takoje abmiežavańnie ŭstanoŭlena zakonam «Ab pachavańniach i pachavalnaj dziejnaści».
Dla vytvorčaści i ŭstanoŭki pomnika nieabchodna sabrać 12,5 tysiačy rubloŭ.
Dziaržaŭny muziej historyi biełaruskaj litaratury zaprašaje pradpryjemstvy, hramadskija arhanizacyi, a taksama zacikaŭlenych hramadzian uziać udzieł u dabračynnym zbory srodkaŭ i zrabić hrašovy ŭniosak na raźlikovy rachunak u biełaruskich rublach: BY15AKBB36429000005530000000 u AAT «AZB Biełarusbank» BIK: AKVVVY2X UNP: 190269032.
-
«Treba kryčać, što my jość, my byli i praciahvajem isnavać». Teatralny krytyk Nastaśsia Pankratava — pra svaju knihu i biełaruski teatr da i paśla 2020 hoda
-
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu
-
U Minsku adkryŭsia filijał Nacyjanalnaha mastackaha muzieja
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary