Pra toje, što častka biełaruskich zubroŭ, pra prodaž jakich rasijskamu Baškartastanu havaryli raniej, užo adpraŭlena na novaje miesca, paviedamiła pasolstva Biełarusi ŭ Rasii.
Pres-słužba pasolstva paviedamiła, što ŭsiaho ŭ rasijski rehijon pradadziena 18 zubroŭ, i za kožnaha ź ich u siarednim zapłacili pa 8—9 tysiač dalaraŭ.
Apošnim časam kolkaść zubroŭ u Biełaviežskaj puščy prykmietna vyrasła, što dazvalaje biez škody pradavać ich u inšyja zapaviedniki. Tak, pa stanie na 1 studzienia hetaha hoda ŭ nacyjanalnym parku naličvałasia 730 zubroŭ, što na 27 asobin bolš, čym hodam raniej. Pryblizna taki ž samy pryrost (28 asobin) byŭ zafiksavany i ŭ papiarednim hodzie.
U Baškartastanie statak zubroŭ raźmieściać u zapaviedniku na achoŭnaj terytoryi. Žyvioliny buduć pad nahladam śpiecyjalistaŭ. Pakul tudy prybyła tolki pieršaja partyja, a druhuju płanujuć adpravić vosieńniu.
Toj samy masažyst raskazaŭ, navošta zdymaŭ hołych klijentak2
Kamientary