Mižnarodnuju Bukieraŭskuju premiju — 2023 upieršyniu atrymaŭ bałharski piśmieńnik
Bałharski piśmieńnik Hieorhi Haspadzinaŭ staŭ łaŭreatam Mižnarodnaj Bukieraŭskaj premii 2023 hoda. Jak paviedamlajecca na sajcie premii, jon atrymaŭ uznaharodu za raman «Časaschovišča» (Time Shelter).
Uručeńnie ŭznaharody adbyłosia ŭ aŭtorak u łondanskim Sky Garden.
«Časaschovišča» stała pieršym ramanam na bałharskaj movie, jaki atrymaŭ Mižnarodnaha Bukiera. U knizie Haspadzinava raskazvajecca pra kliniku, jakaja lečyć ludziej z chvarobaj Alchiejmiera. U klinicy kožny pavierch prajhravaje pražytaje pacyjentam dziesiacihodździe ŭ drabniutkich detalach, pieranosiačy jaho nazad u časie. Adnak nieŭzabavie minułaje pačynaje ŭryvacca ŭ sučasnaść.
Haspadzinaŭ padzielić uznaharodu ź pierakładčycaj Andžełaj Rodel.
Mižnarodnaja Bukieraŭskaja premija (The International Booker Prize) — adna z samych prestyžnych knižnych uznaharod. Jana była zasnavana jak dadatak da Bukieraŭskaj premii ŭ 2005 hodzie i da 2015 hoda ŭručałasia raz na dva hady. Zaraz uručajecca štohod za najlepšyja pierakładzienyja na anhlijskuju movu mastackija tvory.
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»9
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary