Na Hrodzienščynie adradžajuć aŭtentyčnaje tkactva i chočuć zavabić turystaŭ
U ahraharadku Kvasoŭka, što niedaloka ad Hrodna, adradžajuć tradycyjnaje tkactva Hrodzienščyny. U miascovym centry kultury stvarajuć paŭnavartasnuju tkackuju majsterniu, dzie buduć pracavać pa staradaŭnich narodnych technałohijach. U tym liku tut chočuć adradžać techniku padvojnaha tkactva — tradycyjnuju dla našaha rehijona, piša Hrodna.life.
U ahraharadku Kvasoŭka, što niedaloka ad Hrodna, adradžajuć tradycyjnaje tkactva Hrodzienščyny. U miascovym centry kultury stvarajuć paŭnavartasnuju tkackuju majsterniu, dzie buduć pracavać pa staradaŭnich narodnych technałohijach. U tym liku tut chočuć adradžać techniku padvojnaha tkactva — tradycyjnuju dla našaha rehijona.
Asnoŭnaje abstalavańnie zakuplena za košt prezidenckaha hranta, jaki atrymała hrodzienskaja majstrycha habielenaŭ Alena Šuniejka. Hrant nakiravany na realizacyju prajekta «Ad pražy da tkactva» — jaho meta zachavać i viarnuć u žyćcio tradycyjnyja sposaby ručnoha tkactva, paviedamlaje Teleradyjokampanija «Hrodna».
Zaraz majstry asvojvajuć składanuju techniku padvojnaha tkactva i stvarajuć repliki elemientaŭ mužčynskaha, žanočaha i dziavočaha kaściumaŭ Hrodzienskaha rehijona.
Tkactva — karpatlivy i pracajomki praces
Jak raspaviadaje kiraŭnica hurtka «Tekstylnaja majsternia» Jaŭhienija Stanina, tolki na adnu zapraŭku stanka idzie ad 10 da 14 kiłamietraŭ nitak asnovy. Naprykład, dla vaŭnianaha pałatna vykarystoŭvajecca kala 800 nitak, a dla kašuli — da 1400. Kožnuju nitku treba dakładna pastavić na svajo miesca i sačyć, kab jany nie zabłytalisia.
Tradycyjnym ramiostvam u Kvasoŭcy zajmajucca i mužčyny. Naprykład, hukarežysior Jaŭhien Marmyš asvojvaje tkactva pajasoŭ na doščačkach — adnu z raspaŭsiudžanych biełaruskich technik. U zaležnaści ad pavarotu doščačak na pojasie źjaŭlajecca prosty ŭzor «jołačka».
— Jość i inšaja technika: pry kožnym pavarocie doščačak zahadzia raźličvajecca, jakija ź ich treba paviarnuć, a jakija pakinuć. U vyniku źjaŭlajecca ŭzor — naprykład, «źmiejka», — kaža jon.
U płanach — zavablivać turystaŭ
Adkryć tkackuju majsterniu, jakuju płanujecca ŭklučyć u turystyčnyja maršruty rehijona, chočuć vosieńniu 2026 hoda. U miascovym centry kultury spadziajucca, što jana stanie punktam pryciahnieńnia dla turystaŭ i dazvolić im nie tolki pabačyć tradycyjny byt, ale i paŭdzielničać u ramiesnych zaniatkach.
Jak adznačaje zahadčyk Kvasoŭskaha centra kultury i raźvićcia narodnaj tvorčaści Dzianis Bałabujeŭ, u płanach — pryjom turystyčnych hrup, praviadzieńnie majstar-kłasaŭ pa tkactvie i tancach, prodaž suvieniraŭ, a taksama, mahčyma, dehustacyja tradycyjnych biełaruskich napojaŭ.
Kamientary