Kryšcijanu Ranałdu moža daterminova pakinuć Saudaŭskuju Araviju i viarnucca ŭ Jeŭropu
Kryšcijanu Ranałdu bolš nie moža tryvać i choča pakinuć «Al-Nasr» u Saudaŭskaj Aravii. Nie prajšło i piaci miesiacaŭ z taho času, jak jon pierajšoŭ u saudaŭski kłub z kantraktam na dva z pałovaj siezony i z histaryčnym kantraktam na 200 miljonaŭ jeŭra za kožnuju z kampanij.
Ale za hety čas partuhalec pabačyŭ realnaść saudaŭskaha kłuba i asabliva situacyju, jakaja skłałasia ŭ krainie, dzie futbolnaja infrastruktura dalokaja ad sučasnaj. Takim čynam, jaho najbližejšaje asiarodździe pačynaje publična zajaŭlać pra hetuju situacyju z metaj mieć mahčymaść źjechać i viarnucca ŭ Jeŭropu ci šukać inšyja rynki, piša Mundo Deportivo.
Hulec pierajšoŭ u «Al-Nasr» u śniežni 2022 hoda. «Mančester Junajted» razarvaŭ ź im kantrakt paśla taho, jak Kryšcijanu ŭ intervju prajšoŭsia pa trenierskim štabie.
Za «Al-Nasr» partuhalec zhulaŭ 17 matčaŭ (1400 chvilin): čatyrnaccać ź ich u Lizie, dva ŭ Kubku karala Saudaŭskaj Aravii i adzin u Supierkubku. Zabiŭ trynaccać hałoŭ.
Kali Kryšcijanu Ranałdu vyrašyć syści biez uvažlivaj pryčyny, jon pavinien budzie vypłacić kłubu kampiensacyju za dva hady, jakija zastalisia da zakančeńnia jaho kantrakta, u adpaviednaści z rehłamientam FIFA ab statusie tranśfieru hulcoŭ. U pryvatnaści, artykuł 17, jaki tyčycca skasavańnia dahavora biez pavažlivaj pryčyny, u jakim vyrazna pakazana, što «va ŭsich vypadkach bok, jaki skasoŭvaje dahavor, abaviazany vypłacić kampiensacyju».
Ciapier čytajuć
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»31
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary