U Saudaŭskaj Aravii chočuć damahčysia departacyi Kryšcijanu Ranałdu
Saudaŭski advakat Nouf bin Achmied zajaviŭ, što maje namier źviarnucca ŭ prakuraturu krainy z zapytam ab aryšcie i departacyi napadajučaha kłuba «Al-Nasr» Kryšcijanu Ranałdu za nieprystojny žest.
Paśla matču 25-ha tura čempijanatu krainy suprać «Al-Chilala» Kryšcijanu Ranałdu schapiŭsia za pachvinu. Jaho aburyła toje, što trybuny skandavali «Miesi-Miesi».
«Ja nie saču za sportam. Ale navat kali Kryšcijanu spravakavali, jaho pavodziny źjaŭlajucca złačynstvam», — napisaŭ Nouf bin Achmied u sacyjalnych sietkach.
U kłubie «Al-Nasr» śćviardžajuć, što Ranałdu nibyta zrabiŭ hety žest, pakidajučy pole, bo atrymaŭ udar u hetaje miesca padčas pajadynku.
Varta adznačyć, što dziela pierajezdu Kryšcijanu dla hulni ŭ miascovym čempijanacie saudaŭskija ŭłady ŭžo pajšli nasupierak ułasnych zakonam, jakija zabaraniajuć sumiesnaje žyćcio niežanatych par. Dla Ranałdu i Džardžyny Radryhies zrabili vyklučeńnie. Ich adnosiny aficyjna nie aformlenyja, choć para maje dvuch sumiesnych dziaciej.
Partuhalski futbalist padpisaŭ kantrakt na 2,5 hoda z kłubam z Saudaŭskaj Aravii 31 śniežnia. Za siezon Ranałdu budzie zarablać kala 200 młn jeŭra, što robić jaho samym vysokaapłatnym futbalistam śvietu. Ale niahledziačy na najaŭnaść zornaha forvarda, kłub vystupaje nie tak upeŭniena, jak płanavali jaho bosy. Pakul što jaho miesca — tolki druhoje.
Kamientary